1 Koriinto 11:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Iꞌdaasenyi wohoo an atin abin ꞌdoono a jiraan. Kiriisto usu matakki makhaaballe tuummane. Makhaabal la usu matakki makhaabassiisenye, Waakh la usu matah Kiriistee.

1 Koriinto 11:3 ပူးပေါင်းရင်းမြစ်များ

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Yoohana 14:28

“Anihi, ‘A irda toro a atin isoonokhda,’ eldi a daagteen. Chirri atin iꞌdoonteen, jeenteti an Aabbaheey ikiirduu, a hamaaddaan. A mehe Aabbaheey ani a ikaweenyahe.

1 Koriinto 3:23

Atin la a koo Kiriisto, Kiriisto la a koo Waakh.

Efeesso 4:15

Inno kol dakkhan ꞌdoonin ka ayti rummaat on isicheekna ꞌdee jitat tuumman ka weynaanna, iꞌdi Kiriistohi matakki ꞌdooꞌdiise nateeh.

Kolossaay 1:18

Toro la usu matakki sartiisenye, sartiis la a ururiissa. Us a uumaccho ichoow eti oraate ꞌdooꞌdi tuume goyaka omoot kasookahe. Iꞌda ka usu on walah tuumman iween.

Kolossaay 2:10

Jeenteti atin ichoow Kiriisto ba wohoo kalday itahiin u la, walah atin laatahiin mele. Usu herti Waakh ichoow ginnayyo tuumman ichoow wihi tuummane anto khabo a iweenyahe.

Kolossaay 2:19

Us Kiriistohi matakki urur Kiriistee ma khuccho. Matakka ka, sar Kiriistoti tuummane hubno ichoow maanjeerre khucchisso a isleeweynaataan saggi Waakh iweynaachuu.

Kolossaay 3:18

Deyyeho, iꞌdi ꞌdooꞌdi Kamur kakhuufo imassuu, taba giꞌde makhaaballetiin aficho akutina.

1 Beetero 3:1

Saggaas on u, deyyeho taba makhaaballetiin aficho akutina. Iꞌda yeela ꞌdee chiꞌ gaasichokoo Yeedi Waakh iraahin laka, yeedi aficho ka menye, jeenteti jiroti oboorrihicho jiro,