1 Koriinto 10:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌd Kiriistokaaw, wihi aacchinyetiinti Muusa woye kayitahye atin kasooꞌhelin ꞌdoona. Icho tuumman mirisi Waakh sooerge woye toro la icho tuumman nebey beyti buure maaheen.

1 Koriinto 10:1 ပူးပေါင်းရင်းမြစ်များ

Yoohana 4:20

Aacchinyeteenti yaafteeyti Saamariyee, goorat halane Waakh kawahatte. Iꞌdaasenyi atinhi yaafohi Yaꞌhuude, ‘Inti enenyet Waakh kawahti a ilkerengeetti weene Yeerusaleem,’ iche elattaan.”

Rooma 1:13

ꞌDooꞌd Kiriistokaaw, saggi an kolassi ittaawe anihi atin sooꞌdaaro iꞌdoone, iꞌdaasenyi ichoowka uliba wohoo on ijeychaan abda. Anihi goytiin ka hil haaggicho gurnaanki Rubeyti Munyee argo iche ꞌdoona, saggi maanta an ꞌdooꞌdi addane yaafohi Yaꞌhuud ieheynan goyaka hil ihaaggiche ichoowka gurnaan isoobahuu.

Rooma 11:21

A mehe Waakh chirri goorat liikhimohi ꞌhor geey kijire iꞌdiin, atin laka ma atin ꞌdiicho gon.

Rooma 4:11

Sumatti Aburaaham khandi ka lasunte mehe tussa ya, geeddi liikhandiyin on Waakh usu eti fissan iekkaache, jeenteti us Waakh ikakhuufo on u. Aburaaham ꞌdeerka a iꞌdoo us ooyohi ꞌdooꞌdi Waakh kakhuufo yitah chiꞌicho liikhandiyin laka. Iꞌdi Aburaaham u jeenteti icho Waakh ikakhuufaan, iche Waakh ꞌdooꞌdi fiffissan iekkaacha.

1 Koriinto 12:1

ꞌDooꞌd Kiriistokaaw toolla toro wori siimohi Rubeyti Munyee kayamiit miinsane atin isoocheeka, ꞌdee wihiche tuumman garattaan.

1 Koriinto 14:38

Iꞌdaasenyi chiꞌ etoo waha ikasin, Waakh laka usu ma kaso.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.

Ibiraaniya 11:29

Yaafohi Issiraayel la kakhuufnaanki icho Waakh kakhuufeen on ka, iche Beyti Buurenye Guuꞌddan seley igoote, harrati kafafsan itabeene, imaaheen. Iꞌdaasenyi iskarti ꞌdooꞌdi Miissiri chirra icho yaafohi Issiraayel raaheen ka, chirraas on bicche khaateen.