1 'Dessaloonika 5:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdi tahe Waakh holiiski us inno tusti menye, a inno soobahsate ꞌdee Yeesso Kiriistohi Kamureene ka inno riba.

1 'Dessaloonika 5:9 ပူးပေါင်းရင်းမြစ်များ

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Hilassi Ergaano 1:20

Beetero wihi us yidah, “A mehe buuggi Sabuur ka wihi chiiran, “ ‘Goobiis ba a baabo, uus etoo kalday laka jirin.’ Wihi addane chiiran, “ ‘Etoo addan ba meessiisti weynaaneet gela.’

Hilassi Ergaano 1:25

ꞌdee hila Waakhe ergaano gelo nah tus. Waha la a meessi Yuuda kabahe, ulla inti imasse irtee.”

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Rooma 11:30

Atinhi ꞌdooꞌdi ilassi addan goorat Waakh raahin a ꞌdiiꞌddeen. Toolla la ꞌdooꞌdi Issiraayel Waakh a raahiwwaaye gone, Waakh uur a atin isoonugleeste.

Rooma 11:7

Mehe ꞌdeerka nidaahe? ꞌDooꞌdi Issiraayel wihi us weyti yowte ma ꞌheline, iꞌdaasenyi ꞌdooꞌdi Waakh soobahsate iche waha ꞌhele. ꞌDooꞌdi addane Waakh ikakhuufin Waakh matahenyeticho a dagahnooche.

1 'Dessaloonika 1:10

Toro la saggi atin Weeli Waakhe goobi Waakh ka soonokhti isugtaan laka a cheekaan. Us a Yeessohi Waakh omoot ka sookahche, holi Waakhe soosohti inno karibo.

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

1 Timooti 1:13

An goorat ꞌhor usu a igafe, ꞌdooꞌdiis sina omhiche, ꞌdooꞌdiis leeabaarrame. Eheetteey laka Waakh uliba uur a isoonugleeste. Ulla jeenteti an Kiriisto ikakhuufine, wihi an yeele igaran, iche iꞌda iyeele.

1 Timooti 1:16

Iꞌdaasenyi jeentetane Waakh ani uur isoonugleeste, ꞌdee anihi uskeel ka enenyet tuumman kuto, Yeesso Kiriisto walahbaaw an yeele ka samacchaari imassan ituse. Ulla ani a isamacchaare ꞌdooꞌdi addane usu soorummeesti jiroti jirtuu imassan ꞌhelo iyookko ikayeele.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

1 Beetero 2:10

Atin goorat ꞌhor ꞌdooꞌdi Waakh ma eheynane, iꞌdaasenyi toolla a ꞌdooꞌdi Waakh. Goorat ꞌhor uurnugleeli Waakh ma ꞌheline, iꞌdaasenyi toolla uurnugleeli Waakh a ꞌhesseen.

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.