1 'Dessaloonika 5:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ A mehe ꞌdooꞌdi urꞌdo ibeene urꞌda, ꞌdooꞌdi meleefu yateeh la, ibeene meleefu yateeh.

1 'Dessaloonika 5:7 ပူးပေါင်းရင်းမြစ်များ

Yoohana 2:10

wihi us iyidah, “Ebba farsoti sabiibe weyti haaggane orey leekeena, inkoo marti farsoti buure dante ka, farsoti gato ꞌdabakhe lasookhaata. At la farsoti weyti haaggane laabte ichoowka toolla.”

Hilassi Ergaano 2:15

ꞌDooꞌda farso mee khaatte, iꞌdi maanta atin ielattaan u, a mehe il toolla a sahaꞌd seyyahti chirdeereet on.

Rooma 13:13

Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

1 Koriinto 15:34

Waha mujjum kamalda, uskeeliin la ꞌdiicha. Weyti lakhaanyo menya maanta chirri an saggi gaasiinkoo uliba Waakh ma aban eldi?

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

2 Beetero 2:13

Saggi icho ꞌdooꞌdi addan igaameeraan, saggaase icho laka liigaameera. ꞌDooꞌda wihi sarticho ꞌdoonto icho maalim laka yeelaan leelakhaanyo mee. Icho goytiin ka a iꞌdi wihi duksah ichoow el khabo. Geeddi icho atin leegolossataan la ekkeysihicho a kahamaadaan.