1 'Dessaloonika 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Wihi Waakh atin kaꞌdoono kallaayo, a atinhi jiroti munyee jirtaane, ꞌdooꞌdi isidisan isileeurꞌdine,

1 'Dessaloonika 4:3 ပူးပေါင်းရင်းမြစ်များ

Mattaayo 12:50

A mehe eti tuummane wihi Aabbaheeyki serey jiro ꞌdoono yeelo, a walaalaaya, a walaassaaya, a abartaaya.”

Mattaayo 15:19

A mehe enenyet uuriis goya iche mali suuje kayamiit iꞌdi maanta ogoossi dubunuunu lagelo, mejeli makhaabassi tiis ieheynan leeurꞌdo ichoow sohoꞌddarri ichoow hatto ichoow garti beenaat ichoow ham.

Mattaayo 5:32

Iꞌdaasenyi wihi an atin iadeeh, eti tuummane makhaabassiis tuum rihe chiꞌiche mejeloo addan leeuꞌdurte on menye, makhaabalaas makhaabassaas uskeeli iche mejeloo kiche ieheynan leeuꞌdurto iche kalugꞌda. Eti makhaabassi tuum larihe disti la, uskeeli us makhaabassi tiis ieheynan leeurꞌdo iche gela.

Mattaayo 7:21

“Eti tuummane af ka, ‘Kamuraayaaw,’ idowo mee dakhi goobi Waakh gelo. Iꞌdaasenyi eti gelo a ki wihi Aabbaheeyki serey kajiro ꞌdoono yeelo kalday on.

Marko 3:35

A mehe eti tuummane wihi Waakh ꞌdoono yeelo, a walaalaaya, a walaassaaya, a abartaaya,” iyidah.

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Yoohana 7:17

Eti tuummane wihi Waakh ꞌdoono yeelin ꞌdoono, usú waha an atin abcho Waakh kayimaateen ommos usú yeedeey on tahe a abta.

Hilassi Ergaano 15:20

Iꞌdaasenyi khadaab ichiirro ꞌdee gololi iyookkoyyo ka labiꞌdirrooche uumhana, toro la ꞌdooꞌdi isidisan uus isleeurꞌdine, naffi laluulliche uumhana, diig adamina inidaahe.

Hilassi Ergaano 15:29

Gololi iyookkoyyohi waakkhakh lakayeessi liisoorriyooche uumhana, diig adamina, naffi laluulliche uumhana, ꞌdooꞌdi isidisan uus isleeurꞌdin. Chirri atin waha tuumman iskaholisseen wihi haaggane yeesseen. A Waakh atin bariisti.

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

Rooma 6:22

Iꞌdaasenyi toolla miigti uskeel a atin lakasoofure, bowꞌdayyohi Waakhe titaaheen. Indigirti atin ꞌhessaan munya atin iwoyta, waha la jiroti jirtuu imassanne delaan.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

1 Koriinto 7:2

Iꞌdaasenyi ꞌdooꞌdi isidisanne isleeurꞌdo a buur gone, a deefta chirri aram ba arantiissa on khabo ommos arame ba arankicheeda on khabto.

2 Koriinto 12:21

Jeenteti wahuu wihi an karooro maanti toro an atin iamiit Waakkheey ortiin ka a inuglaacha, an la jeenteti ꞌdooꞌdi buure uskeel iyeele uliba uskeelaas ikasoonokhan u a bolkha. Uskeelaas a wihi biꞌdire ichoow ꞌdooꞌdi isidisanne isleeurꞌdo ichoow sohoꞌddarriti icho yeeleen.

Galaatiya 5:19

Wahanyeyyohi wihi uurasseen goya kijiro uskeel imoono yeelaan a ꞌdow on. Waha a iꞌdi maanta ꞌdooꞌdi isidisanne isleeurꞌdo, wihi biꞌdire, sohoꞌddarri,

Efeesso 5:17

Maantaka saggi ꞌdooꞌdi ꞌdalammee iijirina, iꞌdaasenyi wihi Kamur atinhi yeessaan ꞌdoono abda.

Efeesso 6:6

Yeedicho raaha. Waha la geeddi icho atin argaane atin icho kahamaadissaan kalday on mee, iꞌdaasenyi taba iꞌdi bowꞌdayyo Kiriistuu yeedicho raaha, wihi Waakh ꞌdoono tuum uurassiin ka yeela.

Kolossaay 1:9

Jeentetaas u, uus nah woriin ꞌhelle, koloo kalday laka Waakkhi nah atin isoowahno ma ꞌdiin. Wihi nah Waakh daahno la, a usuhi tuum khara ichoow abannaanki Rubeyti Munyee kayamiit tuumman ka wihi us ꞌdoono atin ibuuhicho.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

1 'Dessaloonika 4:2

Iꞌdi tahe anto Yeessohi Kamureene ka, wihi nah atin abinne a garattaan.

1 'Dessaloonika 4:4

toro la ebba jiti munyeenye inkaanyit ka saggi us sartiis ijeysati garti.

1 'Dessaloonika 5:18

Walahbaaw atin isoobahe ka, Waakh kalaꞌd ilaaba. Iꞌdi tahe waha a wihi Waakh atinhi atin ichoow Yeesso Kiriisto wohoo kalday tahiin atin iꞌdoono.

1 'Dessaloonika 5:23

Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.

2 'Dessaloonika 2:13

ꞌDooꞌd Kiriistokaaw, Kamur weyti atin ꞌdoona. Nah jeenteti Waakh orey on atin isoobahsate toro la atin iribuu, Waakkhi nah kalaꞌd ilaabno a imasse. A mehe Waakh hili Rubeyti Munyee munya inno kayeesso ichoow runti Waakhe inno rummeysanni ka a atin riba.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

Ibiraaniya 13:21

Waakh ba haaggi tuummane atin kaankhane, ꞌdee atin wihi us ꞌdoono yeessaan atin siicha. Yeesso Kiriisto ka, Waakh ba miigti atin wihi us kahamaado yeessaan atin siicha. Yeesso Kiriisto ba jirtuu tuumman lasaaꞌda. Aamiin.

Ibiraaniya 13:4

Enenyet tuumman mindischo a inkaanyito. Makhaabal ichoow makhaabál ba la uus icho etoo addan leeurꞌdin. Iꞌdi tahe Waakh ꞌdooꞌdi iꞌdaase ichoow ki sohoꞌddarri kaassohti rumanka a hukkuma.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

1 Yoohana 2:17

Harrata suuje ichoow suujoonkicheki liimoono a kutaane, iꞌdaasenyi eti wihi Waakh ꞌdoono yeelo, jirtuu tuumman a jira.

Bakkaahit 21:8

Iꞌdaasenyi ꞌdooꞌdi burꞌdeyyee ichoow ki Kiriisto irummeysan ichoow ki wihi biꞌdire tuumman yeelo ichoow ki enenyet dubunuunu yagiis ichoow ki sohoꞌddarri kaassohti ichoow ki tibaato khabo ichoow ki iyookkoyyohi waakkhakh lakayeessi wahti ichoow ki beeno leh tuumman, meessicho a beyti ꞌdabe iꞌdi lahawti kibiriiꞌd ibolokhto. Waha a omootti lammaatteet.”

Bakkaahit 22:15

Iꞌdaasenyi ꞌdooꞌdi ilkerengeetta khariche kijiro, a ki isbiꞌdirroocho, ꞌdooꞌdi tibaato khabo ichoow ki sohoꞌddarri kaassohti ichoow ki enenyet dubunuunu yagiis ichoow ki iyookkoyyohi waakkhakh lakayeessi wahti ichoow ki been ꞌdoono toro kol dakkhan been goocho.