1 'Dessaloonika 3:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

1 'Dessaloonika 3:3 ပူးပေါင်းရင်းမြစ်များ

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Hilassi Ergaano 2:25

Wihi usu miinsane karnati Dawuud layadeeh yidah, “ ‘An kol dakkhan Kamur ortaaya kaarga. Jeenteti us garabeey itoolluu, walah isesseehicho mele.

Hilassi Ergaano 21:11

Ulla nah iyimiyye, saab Baawuloki dabar khaate, luhlohiis ichoow dahanohiis iskahide, wihi us yidah, “Rubeyti Munyee wahane elatta. ‘Eti saaba leh saggane ilkerengeetti weene Yeerusaleem ka ꞌdooꞌdi Yaꞌhuud ihida, dahanohi ꞌdooꞌdi Waakh igaran igessa.’ ”

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

Hilassi Ergaano 9:16

Anna sinati usu latuso jeenteti us keey iyahuu iche tusa.”

Rooma 5:3

Wahaas kalday menye, sinayyohi inno ꞌhello laka a keeylajna. Iꞌdi tahe wihi inno garanni, sina a inno gargaarta, ꞌdee garrahsanna.

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

1 Koriinto 4:9

Iꞌdi tahe ani ka, Waakh nahiiyye ergaanee ꞌdowe nah isoobahche, inti weyti ꞌduboot nah gesse. Nah a iꞌdi ꞌdooꞌdi herti Waakh ichoow ꞌdooꞌdi harrata tuumman ꞌdeyꞌdoochaayi, omoot liiwoyo.

Efeesso 3:13

Maantaka a atin hawwaasdee, taba chirri jeentetiin u sina itaham laka, rubey iiche atin jebin. Wahaas inkaanyite atin ikeenaan.

Fiiliffi 1:28

Wahaas tuumman ka ꞌdooꞌdi atin tirrimo ma karoortaan. Waha a sumatti saggi Waakh icho ibaabiicho, iꞌdaasenyi atin iribo tusso. Ki waha tuumman yeelo a Waakh.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

1 'Dessaloonika 5:9

Iꞌdi tahe Waakh holiiski us inno tusti menye, a inno soobahsate ꞌdee Yeesso Kiriistohi Kamureene ka inno riba.

2 'Dessaloonika 1:4

Maantaka ururreti Waakhe addan saggi nah atin ikeeylajno jeenteti atin sinayyohi atin loomhicho ichoow bolokkhi atin latuso atin kajo ka igarrahsattaane toro la Waakh ikakhuuftaan a icheekna.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.