1 'Dessaloonika 2:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Iꞌdaasenyi nah saggi ꞌdooꞌdi Waakh khaatte, hili Wori Haaggan lakorche iche iyeyyeena. Nah hol ma downo weeli enenyet ma kahamaadinno, Waakkhi uurasseen kajo kahamaadinna.

1 'Dessaloonika 2:4 ပူးပေါင်းရင်းမြစ်များ

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

Luuka 16:11

Chirri ꞌdeerka goorat kamurroonki harrata ka atin liikaakhuufin, ayyo kamurroonki rummaat ka atin kakhuufa?

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Rooma 8:27

Waakkhi uurassi weeli enenyet fiiricho la, mali Rubeyti Munyee a garta, a mehe wihi Rubeyti Munyee ꞌdooꞌdi Waakh Waakh ihawwaassatti ichoow wihi Waakh ꞌdoono a israahaan.

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.

1 Koriinto 9:17

Chirri ani jeenteti an iꞌdoono on u an Wora Haaggan icheeko, ꞌdeerka kalaꞌd a suga gon. Iꞌdaasenyi, Waakh a isoobahsate hila ikorche sag an ikabahsadi la mele.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

2 Koriinto 5:11

Maantaka nah Kamuri lakarooro wihiis a garanna gone, hole downa weeli enenyet hawwaassanna. Waakh wihi nah nahe khuuf on garta, toro an a khajjeela atin laka rubeyohiinki haag ichoow suujoon seley saaho ka wihi nah nahe khuuf a garattaan.

2 Koriinto 5:16

ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Galaatiya 2:7

Mehe argeen ya, saggaas Waakh Beetero hili us Wori Haaggan ꞌdooꞌdi Yaꞌhuud icheeko ikorche, iche Waakh ani laka hili an Wori Haaggan yaafohi Yaꞌhuud ieheynan icheeko ikorche.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 6:6

Yeedicho raaha. Waha la geeddi icho atin argaane atin icho kahamaadissaan kalday on mee, iꞌdaasenyi taba iꞌdi bowꞌdayyo Kiriistuu yeedicho raaha, wihi Waakh ꞌdoono tuum uurassiin ka yeela.

Kolossaay 3:22

Ilbooyye, taba wihi kamurretiinti harrata atin idowto tuumman raaha. Jeenteti atin Kamur ikaroortaan u, chirri icho atin ꞌdeyꞌdoochaan kaldach on menye, kol tuumman uuri haaggan ka icho kahamaadicha.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

2 Timooti 1:14

Miigti Rubeyti Munyeenye goyteen fiddiito kisiisso ka, wihi haaggane dahantaah lasoogesse mujjum yaakhi.

2 Timooti 2:2

Wahanyeyyohi at ikadaagte an ꞌdooꞌdi ittaawenye garteey laabo ortiis ka idah la, ꞌdooꞌdi lakakhuufo ꞌdee ꞌdooꞌdi addan abin yabuuꞌd kori.

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

Ibiraaniya 4:13

Wohoo rucchule lasoouume Waakh lakadagcho ma jiraan, Waakh ortiis ka walah tuumman a nyiikhsanyahiin one, iꞌdaanu arga. Waha a Waakkhi berri wihi inno yeelle tuumman inno worsati.

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

Bakkaahit 2:23

ꞌDooꞌdi iche raaho a bakkicha, ꞌdee urur Kiriisto tuumman saggi an uur ichoow mali weeli enenyet ifiiricho rumanka abta. Ebba wihi us yeelo ichoow wihi an guto a israahaan.