1 'Dessaloonika 2:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ A mehe wori nah enenyet icheekne khollookh ma kijirine ommos mali suuje ma kasoobahine ommos ekkeysi ma eheynan.

1 'Dessaloonika 2:3 ပူးပေါင်းရင်းမြစ်များ

Hilassi Ergaano 13:15

Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 4:36

ꞌDooꞌd goytiis ka etoo Yuussuf layadeehe, goob Laaweenye ullaka ili Kuuburo layadeeh kadesse, a jire. Magahi ergaano usu ibihisse la a Barnaba. Iꞌdaas ka la mehe leessa ya, eti enenyet uur miigoocho.

2 Koriinto 11:13

A mehe ꞌdooꞌdaas ergaano iskaayyeela. Hili icho haaggichaan ka enenyet a ekkeestaane soonyoy ka ergaano Kiriisto iskaayyeelaan.

2 Koriinto 2:17

A mehe nah iꞌdi ꞌdooꞌdi buurenye Yeedi Waakh cheeko ꞌdee chilimme kaꞌhelo mee. Iꞌdaasenyi nahi koo Kiriistee, a ergaanoti Waakh sooergate. Wori khollokkhan mee cheekno.

2 Koriinto 4:2

Wihi dagsane lakhaanyo keeno a ꞌdiiꞌdne. Nah la enenyet ma ekkeysanni, Yeedi Waakh ma baabullo. Nah runti Yeedi Waakh on babbakkaahinna. Waakh ortiis ka, eti tuummane rubeytiis haag ichoow suujoon seley saahto, haaggi fiddiheenyo a tusna.

2 Koriinto 4:5

Iꞌdi tahe nah kooloheenyo enenyet ma icheekno, Yeesso Kiriistohi Kamurenye cheekna. Toro la jeente Yeessuu, saggi nah ilbooyyetiin inahe cheekna.

2 Koriinto 6:8

Toro la enenyet nah kooliyyeey ommos nah ꞌdarraawyeey ka ba, nah lahamayyeey ommos nah lasaayyeey ka ba, nah Waakhe ihilla. ꞌDooꞌdi ekkeysi lehe nah liiekkaacha, iꞌdaasenyi rum kalday on cheekna.

2 Koriinto 7:2

Saggi atin nah iꞌdoontaan nah tusa giꞌde. Nah et nah ikhufne mele ommos et nah jiti us Waakh kakhuufo ka baabiinne mele ommos et nah kakharaawne mele.

1 'Dessaloonika 2:11

A mehe saggi nah atin tuumman saggi ooyo nyaakhutiis iwoywoyo atin iwoywoyne a garattaan.

1 'Dessaloonika 4:7

Iꞌdi tahe Waakh jiroti biꞌdirenye lajiro ma inno iwahin. Iꞌdaasenyi a inno wahe ꞌdee jiroti munyee jirra.

2 'Dessaloonika 2:11

Jeentetaas u Waakh ekkeysihi miigenye malicho gessa, ꞌdee wihi beenaat rummeestaan.

2 Beetero 1:16

A mehe maanti nah miig Yeesso Kiriistohi Kamureene ichoow saggi us isoonokhti nah atin icheekne, wahaas hawweesseti beenaate nah kharateenyo ka soouunne nah raahne menye, nah indoheenyo ka weynaantiis a agarre.