1 'Dessaloonika 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

1 'Dessaloonika 2:2 ပူးပေါင်းရင်းမြစ်များ

Hilassi Ergaano 14:3

Baawulo ichoow Barnaba ꞌdeerka intaas geeddi deer fiddiyeene, roorro laan Kamur iyeyyeedeen. Kamur la runti wori haaggi Waakhe buurenye inno imunneynane icho cheekeen tuse, ꞌdeerka miig siiche dahanohicho ka wahanyeyyohi miigti Waakh tuso ichoow girmo yeeleen.

Hilassi Ergaano 14:5

ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen.

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 16:19

Chirri ꞌdooꞌdi inanti bowꞌdee leh saggi icho kola khajjeeli icho chilimme kaꞌhelaan ikhabin kase ka, Baawulo ichoow Siila khabteene, khaateene, inti lakoororsati ka, ꞌdooꞌdi intaas ka ꞌdooꞌd hukkumo igeecheen.

Hilassi Ergaano 16:37

Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”

Hilassi Ergaano 17:1

Baawulo ichoow Siila orey isohteene, ilkerengeetohi Amfifooli ichoow Aboolloniya dah kagoocheene, ilkerengeetti ꞌDessaloonika minki weysiite Yaꞌhuud kajiro geleen.

Hilassi Ergaano 17:17

ꞌDeerka minki weysiite Yaꞌhuud ka, ꞌdooꞌdi Yaꞌhuud ichoow ꞌdooꞌdi Yaꞌhuud ieheynane Waakh karooro laka leehawwooche. Maanti addan la sokko ka ꞌdooꞌdi us ꞌhele leehawwooche.

Hilassi Ergaano 19:8

Baawulo minki weysiite Yaꞌhuud gele, intaas ka hay seyyah roorro laan icho hawwaaste, wori dakhi Waakh miinsane isoojijjiitaa.

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Hilassi Ergaano 4:31

Inkoo icho weesteen ka, meessi kootte icho kijiraan sesseehte. Rubeyti Munyee la icho tuumman buuhisse, Yeedi Waakh roorro laan cheekeen.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

2 Koriinto 3:12

Maantaka jeenteti nah khajjeelaas ikhabno, iche roorro laan ijirra.

Kolossaay 2:1

Atinhi saggi an iroonotiin ichoow iroonoti urur Kiriistoki ilkerengeetti Lawodeechiya yaal ichoow iroonoti ꞌdooꞌdi Kiriisto kakhuufo tuummane ani fooleey igaran u, an hol idowe atin icheeko iche ꞌdoona.

1 'Dessaloonika 1:5

Iꞌdi tahe maanti nah Wori Haaggan atin icheekne, woraas yeedi afoot kalday menye, miigti Rubeyti Munyee laka us a atin tuse. Wori Haaggane nah atin icheekne tuume rummeysanne. Toro la saggi fiddihi nah goytiin fiddiine iroonotiin ieheneet a garattaan.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.