1 'Dessaloonika 1:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Nah kol dakkhan jeenteti atin tuumman u Waakh kalaꞌd a ilaabna, geeddi nah weysanni la Waakh a atin isoowahna.

1 'Dessaloonika 1:2 ပူးပေါင်းရင်းမြစ်များ

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

1 Koriinto 1:4

An kol dakkhan Waakkheey kalaꞌd a ilaaba. Us haaggiiski buurenye inno imunneynan a atin tuste jeenteti atin ichoow Yeesso Kiriisto wohoo kalday itahiin u.

Kolossaay 1:3

Nah kol tuumman chirri nah Waakh atin isoowahno, Waakkhi Aabba Yeesso Kiriistohi Kamureene kalaꞌd a ilaabna.

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

1 'Dessaloonika 3:9

Geeddoo meheenye jeentetiin u Waakh kalaꞌd ilaabna jeenteti hamaadi buurenye atin Waakh ortiis ka nah ikeenteen u?

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

Fiilemon 1:4

An kol tuumman Waakkheey kalaꞌd a ilaaba geeddi an weysiheey ka kaasooꞌhelo.