1 Beetero 5:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Usu iskahossa mujjum Waakh kakhuufa, a garattaanee harra tuumman ka, ꞌdooꞌdiinki Kiriisto rummeeste tuumman sinata atin taham on taham.

1 Beetero 5:9 ပူးပေါင်းရင်းမြစ်များ

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

1 Koriinto 10:13

Kajmeti uskeel atin kaluguꞌddo a ti weeli enenyet tuumman lakakajo on. Waakh la a lakakhuufa gone, us kajmeti atin lakajo geeddi atin ituddubin ꞌdirihiche a atin kajeycha. Iꞌdaasenyi chirra atin lakajo, us toro jiti atin kajmetaas kabahsattaan a atin iyeela, ꞌdee kajmetaas ka garrahsan tuddubtaan.

Efeesso 4:27

Toro la Seytaan jitoo us uskeel atin kalugꞌdo iiyeelina.

Efeesso 6:16

Wihi addan la, kakhuufnaanki atin Waakh kakhuuftaan gaacchaankiin kayeelda. Gaacchaanka lahawti ꞌdab khabto Seytaanki uskeel leh atin kasoogangano atin kajeycha.

Kolossaay 2:5

A mehe an goytiin ma toollo. Eheetteey laka, ani rubey ka a atin leejira. Toro la an weyti hamaada, jeenteti atin jiroti atin jirtaan ka ifissantahiine toro la kakhuufnaanki atin Kiriisto kakhuuftaan ka ichuukhantahiin u.

1 'Dessaloonika 3:3

Iꞌdane yeella uus ꞌdee etiinkoo kalday laka, jeenteti sinayyohi kajo ka Kiriistohi us kakhuufo ka lasesseehin. Rumanka saggi atin igarattaan u, sinayyoha a wihi Waakh inno igooche.

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

2 Timooti 3:12

Rumanka la eti tuummane jeenteti usu ichoow Yeesso Kiriisto ba wohoo kalday yahiin u jiroti Waakh ꞌdoono jirin ꞌdoono sina a loomhicha.

2 Timooti 4:7

Dihoti an kijire mujjume kijire, oriisihi an kijire la a massiche, wori Kiriisto miinsan la mujjume kakhuufe.

Ibiraaniya 11:33

Kakhuufnaanki ꞌdooꞌda Waakh kakhuufe on ka, iche yaafohi chiiytichee idiheene, isooricheen. Jiti fissan on enenyet kahukkumeene, wihi goorat Waakh iayyiche la ꞌheleen. Gaasichokoo afi bahassi a ꞌduuꞌdeene,

Ibiraaniya 12:8

Rumanka Waakh nyaakhutiis tuumman a soohossa. Chirri us iꞌdi nyaakhutiis u us atin isooholin, wahaas mehe tusaan ya, atin nyaakhutiis mee gone, atin a iꞌdi eysingꞌalaj.

Yaakoobo 4:7

ꞌDeerka Waakh afiis akutina. Seytaan iskahossa, ulla a atin kafirdaa.

1 Beetero 1:6

Wahaas tuumman ka weyti hamaada on. Iꞌdaasenyi toolla geeddoor sinayyohi fil ittaawenye bolokh atin ikeeno kolossoo a atin kawaaraan.

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

1 Beetero 3:14

Iꞌdaasenyi chirri jeenteti wihi fissane atin yeessaan on sina atin loomhicho, a atin liimaale. “Wihi icho karooraan akaroorina, anahina.”

1 Beetero 4:13

Iꞌdaasenyi hamaada jeenteti atin Kiriisto sina ileegisantaane ꞌdee weyti ihamaaddaan maanti weynaantiis enenyet liisoobabbakkaahicho.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

Bakkaahit 6:11

Kooba ꞌdeerka kabuuꞌdoo dakhan lasiiche, iꞌdaaru nasa ichoowka tiri ilbooyyeti wahalhicheenye toro Kiriisto rummeysatte iꞌdichuu lasoobakkicho a labuuhicho liidah.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.