1 Beetero 5:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

1 Beetero 5:8 ပူးပေါင်းရင်းမြစ်များ

Mattaayo 13:39

Chiiytanki haraam gos kachibe la a Seytaan. Gurnaanki lagoocho la ibeenki yomboote tusa, ꞌdooꞌdi gurnaan goocho la a herti Waakh.

Mattaayo 24:42

“Maantaka toorribda, a mehe ibeenki Kamuriin yamiit ma garattaanee.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Mattaayo 4:1

Rubeyti Munyee saahka Yeesso woyte, ichoowka hidaad geesse, ꞌdee Seytaan kajmeti uskeel kaluguꞌddo ikeena.

Mattaayo 4:11

Seytaan ꞌdeerka Yeesso katabe, herti Waakh la timiyye Yeesso gargaarte.

Marko 4:15

ꞌDooꞌd gaasoo a iꞌdi ilmohi jit lakachibe. Waha a inti Yeedi Waakh lakataaꞌhicho. Uus icho Yeedi Waakh daagaan, Seytaan chirraas on yamiite, yeedaas icho daageen kakhaata.

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Luuka 22:31

Yeesso toro wihi us yidah, “Siimon, Siimon, daganso! Seytaan saggi enenyet ꞌdargaayye ichoow chaafo seley ibahchuu, antohi us atin kakajo a daahe.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

2 Koriinto 2:11

Anna iꞌdane yeela uus ꞌdee Seytaan inno kahataatinee. Iꞌdi tahe inno luhti Seytaan tuumman weyti garanna.

Efeesso 4:27

Toro la Seytaan jitoo us uskeel atin kalugꞌdo iiyeelina.

Efeesso 6:11

Gaaddi diho Waakh atin siiche tuumman gessada, ꞌdee ekkeysihi Seytaan ka mujjum tolola.

1 Timooti 2:15

Iꞌdaasenyi Waakh deyyeho delnaan ka a riba, chiꞌiche orey isohatti Waakh kakhuufto iche enenyet ꞌdoonto, jiti munyee kafiddiito toro la isjeyisso.

1 Timooti 2:9

Deyyehoti Waakh ichehi gaaddi mujjumenye inkaanyit tusso gessatti ꞌdoona. Uus iche saggi iche tintiche ihaaggisse ka ommos ꞌdahab ka ommos irtiyyohi gato miige ka ommos gaaddi gato miige ka ꞌdooꞌd istuttusin.

1 Timooti 3:11

Saggaas on u deyyehoticho laka a deyyehoti liinkaanyito, enenyet imeꞌdeꞌddeeline, iꞌdaasenyi walah tuumman ka isjeyisso, walah tuumman ka lakakhuufo.

1 Timooti 3:2

Wihi Waakh gooche, eti urur Kiriisto yaakhicho a eti eloo rucchul laka liikacheekanne, makhaabassoo kalday on khabo, wihi us yeelo tuumman ka isjeycho, inkaanyit khabo, goobiis ka ꞌdooꞌd martiisti, ꞌdooꞌd Kiriisto walah abin yabuuꞌd.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Tiito 1:8

Toro la a eti goobiis ka enenyet martiisti, haag on ꞌdoono, samacchaarenye, fissane, munyeenye, isjeycho.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.

Tiito 2:2

Makhaaballeti araarrinyee isjeycha, saggoo atin liinkaanyito ifiddiya, ꞌdooꞌdi samacchaare ateeha idah. Kakhuufnaanki icho Waakh kakhuufaan ichoow ꞌdooninti icho ꞌdooꞌdi addan ꞌdoonaan ichoow garrahsihi rumanka icho khabaan abi.

Tiito 2:4

ꞌdee deyyehoti nunnugul saggi iche makhaaballeticho ichoow nyaakhuticho iꞌdoonto abin a yubaaꞌdeen.

Tiito 2:6

Saggaas on u, tabe mejeli nunnugul laka faajjiye, a isjeycho.

Yaakoobo 4:7

ꞌDeerka Waakh afiis akutina. Seytaan iskahossa, ulla a atin kafirdaa.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

Bakkaahit 12:10

An ꞌdeerka hooyoo buure goobi Waakh ka daage, wihi us yidah, “Toolla ribnaan ichoow miig ichoow dakhi Waakkheen, ichoow anto Lasubhehiis a yimaateen. Iꞌdi tahe ki ꞌdooꞌdeenki Kiriisto rummeeste cheekti, ibeen ichoow maalim ba Waakh ortiis ka cheekti goobi Waakh a lakasooseye.

Bakkaahit 12:12

Maantaka, goobassi Waakh ichoow atinhi kajirtaan ba, weyti hamaada! Iꞌdaasenyi atinhi harra ommos bey goya taalliin, sinati atin sugto eenna a buure! Iꞌdi tahe Seytaan a atin isookhubte. Ulla holi buurenye khaba, a mehe us saggi ibeennetiis igaabatte a garta.”

Bakkaahit 12:9

Khorojebsiha buure il liisooseye, ulla a ki goorat archiiy jire, magahiis la ki ꞌdooꞌd hanti ommos Seytaan iche layadeeh. Usu ꞌdooꞌdi harra tuummane jit buucha. Ulla hertiis khabaayi harra liisooseye.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.