1 Beetero 5:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Maantaka dahanti Waakkhi miig khabo orche ka isnuglaacha, ꞌdee maanti us ꞌdoono, a atin okkhicho.

1 Beetero 5:6 ပူးပေါင်းရင်းမြစ်များ

Mattaayo 23:12

A mehe eti tuummane isweynaacho a lanuglaacha, eti tuummane isnuglaacho la a laweynaacha.”

Luuka 1:52

Kamur karnatohi wewween komborohichoki antoot a kasookhube, iꞌdaasenyi ꞌdooꞌdi isnuglaacho a okkhiche.

Luuka 14:11

Iꞌdi tahe eti tuummane isweynaacho a lanuglaacha, eti isnuglaacho la a laweynaacha.”

Luuka 18:14

“Wihi an atin icheeko, inkoo icho goob inokhteen, eti addan menye, etane Waakh ortiis ka eti fissan liiekkaache. A mehe eti tuummane isweynaacho a lanuglaacha, eti isnuglaacho la a laweynaacha.”

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

1 Koriinto 10:22

Kamure inaaf gelin ꞌdoonna? Kol inno Kamur kamiignahe koogtahiin?

1 Timooti 2:6

Yeessoha la iꞌdaanu rubeytiis diibe, ribnaanki weeli enenyet tuumman gute. Omoot Yeesso Kiriisto ka, ibeenki mujjume ka Waakh saggi us weeli enenyet iribo a tuse.

Tiito 1:3

Ulla ibeenki usu rubeytiis gooche ka woriis inno tuse. Wora Haaggan la a ki Waakkhi ꞌDoorribeheene amuriis ka dahanteey soogesse, cheek iyidah.

Yaakoobo 4:10

Kamur ortiis ka isnuglaacha, ulla a atin okkhichaa.

Yaakoobo 4:7

ꞌDeerka Waakh afiis akutina. Seytaan iskahossa, ulla a atin kafirdaa.

Yaakoobo 5:10

ꞌDooꞌd Kiriistokaaw, ꞌdooꞌdi iyookkoti haaggane geeddi sinayyo lakawaariche samacchaar fiddiye, a ꞌdooꞌdi goorat Kamur iyeyyeedo.