1 Beetero 5:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.

1 Beetero 5:4 ပူးပေါင်းရင်းမြစ်များ

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

1 Koriinto 9:25

Eti oriisi kijiro tuumman weyti sartiis oriisi itannabicha. Iꞌdane yeela ꞌdee ꞌduubi massati ꞌhela. Iꞌdaasenyi inno ꞌduubi jirtuu tuumman imassanne yowanna.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Ibiraaniya 13:20

Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.

Yaakoobo 1:12

Waakh eti sinayyohi kharaat ka garrahsati a imaala. A mehe inkoo us kajmeyyohaas ka mujjum tolossate, Waakh kalaꞌddi us ꞌdooꞌdi usu ꞌdoono iayyiche iche siicha, kalaꞌdda la a jiroti jirtuu imassan.

1 Beetero 1:4

Toro la jirota husub ka Waakh wihi inno muꞌdane jirtuu ituumine, eloo rucchul laka ikhabine, iraagin goobi Waakh ka meel a inno igessa.

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

1 Beetero 5:2

Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

Bakkaahit 1:7

Yeya, Yeesso mirise leeyamiite, weeli enenyet tuumman usu a arga, ꞌdooꞌdi goorat usú ꞌhune laka usu a arga. Jeentetiis u yaafohi harra tuumman a ooyaan. Iꞌdaas la a titaahe giꞌde! Aamiin.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 3:11

An dowwa soonokhda. Wihi atin khabtaan jurkhicha, uus etoo kalday laka ꞌduubiinki kalaꞌdeet atin kakhaatine.