1 Beetero 5:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ururi Waakhe iꞌdi woyhi Waakhenye dahantiin lagesse ersinkicho ateeha, yaakhicha. Uus wohoo atin liihosso eheynane, iꞌdaasenyi wihi atin kasoouummame a eheetti. Jeenteti ꞌdamaanki lakhaanyee la menye, jeenteti atin weyti Waakh ikafalin ꞌdoontaan a eheetti giꞌde.

1 Beetero 5:2 ပူးပေါင်းရင်းမြစ်များ

Luuka 12:32

“Chaꞌatin iꞌdi woyhoo adi rucchul tahiin laka, roorro akhabina. Iꞌdi tahe wihi Aabbahiin gooche, us hamaad ka dakhiis a atin siicha.

Hilassi Ergaano 20:29

A garda, chirri an atin katabe, ꞌdooꞌdi yeedi beenaat ꞌdooꞌd abcho iꞌdi yaayti weyti oore u goytiinna soogela, woy bakkicha.

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

Rooma 1:15

Jeentetaas u, anihi atinhi ilkerengeetti weene Rooma taalliin laka Wori Haaggan atin icheeko iche weyti ꞌdoona.

1 Koriinto 9:7

Iskartoh maanta hili iche haaggisso ka toro chilimme gutta? Etoh gos khaba toro gurnaanki us gosiis kasoobahche iumhan? Ersinkoh adihiis yaakhicha toro la haanu ikadamin?

1 Timooti 3:3

Toro la eti meleefee mee, eti enenyet jaho menye, iꞌdaasenyi a eti samacchaare. Eti jaakh leh mee, eti chilim ꞌdoono mee.

1 Timooti 3:8

Iꞌdaas on u toro wihi Waakh gooche, ꞌdooꞌdi urur Kiriisto gargaaro laka a ꞌdooꞌdi liinkaanyito, ki iskaayyeelo mee, ki farsoti sabiib khaatto mee, ki anki chilim ka ꞌdamaame mee.

Tiito 1:11

Tabe ꞌdooꞌda aficho hid. Iꞌdi tahe wahanyeyyoha kootte ikamaline icho enenyet abchaan ka, goobassi kulman wori rummaat a buucheen. Waha la jeenteti icho chilim iꞌdoonaan on iyeelaan.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Tiito 3:1

Tab ꞌdooꞌd Kiriisto kasooꞌheliche, ꞌdooꞌdi anto khabo ichoow karnatohi sirgaal ba a inkaanyiteene wihi liiꞌdoono kol tuumman a raaheene wihi haaggan la a itannabteene a yeeleen.

Fiilemon 1:14

Iꞌdaasenyi sammata at iayyin, anihi wohoo rucchul laka yeelo ma ꞌdoono. Iꞌda ka haaggi at yeesso ma lakihosso a wihi at ꞌdoonto on.

Ibiraaniya 12:15

Taba aw isikhaba, uus ꞌdee etiinkoo kalday laka haaggi Waakhe buurenye us atin tuste waayine. Uus etiinkoo kalday laka iꞌdi hiiyyi hadaado khabo soobaho sina keeno, toro enenyet suujaacho itaahan.

2 Beetero 2:3

ꞌDamaankicho ka, yeedassi beenaate atin abchaane atin kakharaawaan. Waakh goorat archiiy on icho hukkume baabakki us icho baabiicho gooche. Waakh ma urꞌdo gone, wihi us igooche a soodowwaateen.