1 Beetero 5:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

1 Beetero 5:12 ပူးပေါင်းရင်းမြစ်များ

Yoohana 21:21

Beetero chirri us arge ka, wihi us Yeesso worsate, “Kamur, eta la mehe layeela?”

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

1 Koriinto 15:1

ꞌDooꞌd Kiriistokaaw, alleya giꞌde, Wori Haaggane an goorat atin icheeke, atin khaatatteene, atin mujjum katolossaan a atin kasooꞌhelcho.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

Efeesso 3:3

Wihi Waakh yeele a waha, maliiski dagsaneete us ꞌdooꞌd ikhabe ani isoobabbakkaahiche. Gaabi ka ꞌhor woraas a atin isoochiire.

Efeesso 6:21

Tuuchikohi koo Kiriisteenye an weyti ꞌdoono, toro hili Kamur ka falfeenye lakakhuufo, woreey tuumman a atin isoocheeka, ꞌdee saggi an ijiro ichoow wihi an yeelo abattaan.

Kolossaay 1:7

Wora rummaat eti atin abche, a Ebaabarahi nah weyti ꞌdoonno ilbooy ka nah walhicho. Us a eti meesseenyo ka hil Kiriisto ka lakakhuufo.

Kolossaay 4:7

Tuuchiko woreey tuumman a atin siicha. Us a eteenki koo Kiriisteenye inno weyti ꞌdoonno, hili Kamur ka lakakhuufo toro la a ilbooyi wahalheenyee.

Kolossaay 4:9

Usu ichoow Oneesmo a issooraahaan. Oneesmo la a eteenki lakakhuufo, koo Kiriisteenye inno weyti ꞌdoonno toro la a kiinkoo. Lammacho ba wihi inta ka jiro tuumman a atin isoocheekaan.

1 'Dessaloonika 1:1

Khadaaba ꞌdooꞌdi atin isoochiiro a ani Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheene ichoow koo Yeesso Kiriistohi Kamure. Waakh ba atin imaala, nebey atin kakaala.

2 'Dessaloonika 1:1

Khadaaba ꞌdooꞌdi atin isoochiiro a ani, Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheenenye toro la koo Yeesso Kiriistohi Kamure.

Ibiraaniya 13:22

ꞌDooꞌd Kiriistokaaw, a atin hawwaasde, taba, wihi an khadaabaar rucchul ka atin iidahye uur atin miigoocho, nabah isuda giꞌde.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.

2 Beetero 1:12

Rumanka runti Chiirnaanneti Waakhe goorat atin laabche a garattaane toro la a raahtaan. Eheetteey laka, a inokhda one toro kol tuumman atin kasooꞌhelcha.

2 Beetero 2:15

Jiti fissan a bujeene jiti suujenye goorat inam Beeyorki Baalam layadeeh tabe tabeen. Baalam la suujoonki us yeele, chilimmeti us kaꞌhele a ꞌdoone.

3 Yoohana 1:12

Enenyet tuumman haag Demmediroos a cheeka. Us runti Waakhe raaha, waha la saggi us eti haaggan iyahe iche tusaan. Nah laka saggi us eti haaggan iyahe a atin isoocheekna. Atin la saggi wihi nah cheekno tuumman rum iyahiin a garattaan.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.