1 Beetero 4:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Iꞌdi Chiirnaanneti Waakh tadeeh u, “Chirri ꞌdooꞌdi fiffissan ba ribnaanki laribo ꞌhool yahe, ꞌdooꞌdi Waakh igaran ichoow ki uskeel leh intaakka mee?”

1 Beetero 4:18 ပူးပေါင်းရင်းမြစ်များ

Luuka 15:1

Maantoo makhaaballeti kooddi goosso ichoow ꞌdooꞌdoo ꞌdooꞌdi uskeel khabo liiekkaacho a yimiyye wihi Yeesso ꞌdooꞌd abcho dagansate.

Luuka 23:31

A mehe chirri ꞌdooꞌd anihi fissan sinati geeddee ituso, ꞌdooꞌdi suujoon yeele sinati weyti buurenye kawaarichaan.”

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Hilassi Ergaano 27:24

wihi iche itidah, ‘Baawulo, roorro akhabin! Ati Kaaysar ortiis a tolossatta. Haaggi Waakhe buure ka, ꞌdooꞌdi kooban kaaleejiro tuumman, koo kalday laka ma yamuut.’

Hilassi Ergaano 27:31

Baawulo la chirraakka wihi us eti koobbinti iskareet itoollo ichoow iskar ba iyidah, “Sammata ꞌdooꞌda kooban woyo ifiddiyin, etiin bahsati mele.”

Rooma 1:18

Waakh goobiis on ka, saggi us ꞌdooꞌdi jiroticho ka usu ꞌdiiꞌdo toro uskeel yeelo ikahollowo a tusa. Uskeela ka la, ꞌdooꞌda runti Waakhe laabti iche ꞌdooꞌdi addan kajeycha.

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

1 Koriinto 10:12

Maantaka eti tuummane kol us mujjum toollo iskoog, a isyuubsati giꞌde uus kufinee.

1 Timooti 1:9

Inno saggi amurretaas ꞌdooꞌdi liiyeele ki fiffissan ieheynan laka a garanna. Iꞌdaasenyi amurre a ti ꞌdooꞌdi amurreti Waakh iraahin ichoow ki weynaan iinkaanyitin ichoow ki Waakh igaran ichoow ki uskeel yeelo ichoow ki Waakh ikahamaadin ichoow ki Waakh iinkaanyitin ichoow ki ꞌdooꞌdi dele bakkicho ichoow ki diig gelo.

Ibiraaniya 4:1

Waakh uliba laka a inno iayyicha nasmetiis a inno siicha. Maantaka taba a isyaakhinno, uus ꞌdee eteenkoo kalday laka meessa nasme eleelin waayin giꞌde.

Yaakoobo 5:6

Atin ꞌdooꞌdi fiffissane atin itirrimine uskeel igoosseene toro dubunuunu bakkisseen.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

2 Beetero 3:7

Waakh la yeedaas afoot on ka serey ichoow harrata saggi toolla icho ijiraan on iꞌdiicha ichoowka ibeenki us ꞌdab kagubo baabiicho yateeh. Ibeenkaas Waakh ꞌdooꞌdi usu igaran a hukkuma toro la bar tira.

Yuuda 1:15

Ulla ꞌdooꞌd tuumman a hukkuma. ꞌDooꞌdi tuummane Waakh igaranne uskeel leh, wihi Waakh ꞌdiiꞌdo tuumman yeele ichoow yeedichoki tuummane sussuujenye Waakh miinsane icho esseen ka sina igoocha.”