1 Beetero 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.

1 Beetero 4:10 ပူးပေါင်းရင်းမြစ်များ

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Mattaayo 24:21

A mehe sinati buurenye maantaas jirto, ti geeddaase uus uumacchoti harra ka ma laargine ichoow uliba. Toro wihi iꞌdicheenye lasooargo ba ma jiraan, jirtuu tuumman.

Mattaayo 24:45

“Kamalda bal, ilbooyi lakakhuufo toro kharee a ayyo? A ki kamuriis goobiis iweynaache, toro la geeddi mujjume ka ilbooyye kamuriis gololicho.

Mattaayo 25:17

Ki ugar lamma chilimme khabe laka lamma addan kaꞌhele.

Mattaayo 25:44

“Icho la wihi icho ilaabaan, ‘Kamur maantoh atihi ankaa khabto ommos sugub khabto ommos iꞌdi eti yeelane eheete ommos murukh eheete ommos khannaneete jeela kijirte kiagarre, kigargaariwwaayne?’

Marko 10:45

A mehe Ínam Aadam laka, ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

Luuka 19:13

ꞌDeerka bowꞌdayyohiiskoo tomone wahe, hiinaan tomon chilimme dahan gesse. Hiinaan ba chilim kudoo ꞌdahabe kijira. Wihi us iyidah, ‘Ebba hiinaankiis a kabacchaarti ichoowka a soonokhdi.’

Luuka 8:3

Too la a Yoowana makhaabál Chuusa. Chuusa la min ꞌHerood ka ilbooyye iweenyahe. Too la a Sussanna ichoow deyyehotoo addane ittaawe. Deyyehota hoolahichooda Yeesso ichoow abattitiis ba kagargaarte.

Rooma 15:25

Iꞌdaasenyi toolla rubeyche ilkerengeetti weene Yeerusaleeme isohda, ꞌdooꞌdi Waakhe ilaas kajiro wihi lasoobaayiche igeechaa.

Rooma 15:27

Icho hamaad on ka baaysihaas diibeen. Icho rumanka moge khabeen. Iꞌdi tahe ꞌdooꞌdi Yaꞌhuud buuhaas Rubeyti Munyee kayamiit a ꞌhele, toro la ꞌdooꞌdi yaafohi Yaꞌhuud ieheynan a leegismaan. Jeentetaas u a imasse chiꞌ ꞌdooꞌdi yaafohi Yaꞌhuud ieheynan buuhi wahanyeyyohi harratane icho khabaan ꞌdooꞌdi Yaꞌhuud leegismaan.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

1 Koriinto 3:10

Haaggi Waakhe buurenye liisiiche ka, an a iꞌdi tagaanki minan diso, anna daddaabohi ilaat a dise. Etoo addan la daddaabohaas sarcheeda min kadisa. Iꞌdaasenyi ebba saggi us min idiso a yuubicho giꞌde.

1 Koriinto 4:7

Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

2 Koriinto 9:1

Rumanka walah hila baaysihi ꞌdooꞌdi Waakh liiergo an atin isoochiiro liikaꞌdoono mele.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

2 Timooti 1:18

Kamur ba usu gargaara, ibeenki ꞌdaꞌddaboot Kamur usu uur isoonugleesta. Geeddi us ilkerengeetti Efeesso ka igargaare rumanka a garatta.

Tiito 1:7

Toro la eti urur Kiriisto yaakhicho, hili Waakhe dahanohiis lagesse gone, a eti wohoo rucchul laka liikacheekan. A eti rannyaat ikhabine, holholo ieheynane, meleefu ieheynane, enenyet ijahine, jiti baabule ka chilim iyowan.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.