1 Beetero 3:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² miꞌdabe ichoow jiroti inkaanyite icho jiraan ka a lasoojiito.

1 Beetero 3:2 ပူးပေါင်းရင်းမြစ်များ

Efeesso 5:33

Iꞌdaasenyi taba etiin ba saggi us isiꞌdoono makhaabassiis a iꞌdoono, makhaabál la makhaabaliche a inkaanyitto.

Efeesso 6:5

Bowꞌdayyo, taba kamurretiinti harrata walah tuumman ka yeedicho raaha. Inkaanyit ka ichoow roorro ka wihi icho ꞌdoonaan tuumman yeela, uuri haaggan ka la yeela. Saggi atin Kiriisto ikihissaan on icho laka ihila.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Fiiliffi 3:20

Iꞌdaasenyi inno a ꞌdooꞌdi goobi Waakh. Toro la weyti ꞌDoorribehoo sugna, ulla a Yeesso Kiriistohi Kamureenenye goobaas kayamiit.

Kolossaay 3:22

Ilbooyye, taba wihi kamurretiinti harrata atin idowto tuumman raaha. Jeenteti atin Kamur ikaroortaan u, chirri icho atin ꞌdeyꞌdoochaan kaldach on menye, kol tuumman uuri haaggan ka icho kahamaadicha.

1 Timooti 4:12

Uus etoo kalday laka jeenteti at inugussahuu kiꞌdarraawin. Iꞌdaasenyi yeedi afaah kasoobaho ka ichoow jiroti at jirto ka ichoow ꞌdooninti at enenyet ꞌdoonto ka ichoow kakhuufnaanki at Kiriisto kakhuufto ka ichoow jiroti el ikhabine at jirto ka, ꞌdooꞌdi Kiriisto rummeeste iyookko iateeh.

1 Beetero 1:15

Iꞌdaasenyi saggi eti atin wahe munya iyahuu, atin laka wihi atin yeessaan tuumman ka munya ateeha.

1 Beetero 2:12

ꞌDooꞌdi Waakh igaran goyaka jiroti haaggan jira, ꞌdee koli icho suujoonkoo atin kacheektaan tuumman, jeenteti icho haaggi atin yeessaan ifiirichaan u, Waakh a koolicheen maanti us yamiit.

1 Beetero 3:1

Saggaas on u, deyyeho taba makhaaballetiin aficho akutina. Iꞌda yeela ꞌdee chiꞌ gaasichokoo Yeedi Waakh iraahin laka, yeedi aficho ka menye, jeenteti jiroti oboorrihicho jiro,

1 Beetero 3:3

Eykodi sartiinna atin iseykoddaan uus wahanyeyyohi kharaate iꞌdi maanta tinti lajirfo ichoow ꞌdahabi lagessati ichoow gaaddi gato miige kalday eheynan.

2 Beetero 3:11

Walah tuumman saggane liibaabiicha gone, atinhi jiroti munyee ichoow jiroti Waakh kahamaado jirtaane laꞌdoona,