1 Beetero 2:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdi tahe Chiirnaanneti Waakh mehe tadeeh ya, “An ilkerengeetti Saayon ka daakkoo an soobahsade khummane tirrinki dagaheetenye chuukha, eti tuummane usu rummeeste la lakhaanyo ma lakadowo.”

1 Beetero 2:6 ပူးပေါင်းရင်းမြစ်များ

Mattaayo 12:18

“Falfateeyti an soobahsade talla. A eti an weyti ꞌdoono, toro la an kahamaado. Anihi Waakhe la Rubeyti Munyee rubeytiis goya a buuhicha, ulla saggi us yaafo jiti fissan ka ihukkumo icheeka.

Marko 12:10

Atin injire waha Chiirnaanneti Waakh ka ma soomin a? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.

Luuka 20:17

Yeesso ꞌdooꞌd indo katoolliche, wihi us worsate, “Chaꞌatin iꞌdaas elattaan, Chiirnaanka bal kamalda. “‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.’

Luuka 23:35

Urur a toolla ꞌdeyꞌdoocha, ewweenki Yaꞌhuud la Yeesso kachaarta. Wihi icho yidaaheen, “ꞌDooꞌdi addan a ribe, chirri us rumanka Ki Lasubhe Koo Waakhenye Ki Lasoobahsate yahe, bal a isribo!”

Yoohana 7:38

Iꞌdi Chiirnaanneti Waakh tadeeh u, ‘Eti tuummane ani irummeeste, a iꞌdoo indohi biccheete ꞌdulo, jiroti jirtuu imassan lakeelo, uuriis kasoobahaan.’”

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Rooma 10:11

Iꞌdi Chiirnaanneti Waakh lakachiiruu, “Eti tuummane usu kakhuufo, lakhaanyo ma lakadowo.”

Efeesso 1:4

Iꞌda ka geeddi Waakh harra isoouumin, Waakh Kiriisto ka a inno soobahsate, ꞌdee ortiis ka ꞌdooꞌdi munyeenye wohoo rucchul laka liikacheekan nateeh. Waakh, jeenteti ꞌdooninti us inno ꞌdoono on u,

Efeesso 2:20

Atin a iꞌdi daddaabohi ilaate minki ergaano ichoow ꞌdooꞌdi Waákh íyeyyeedo kadisanyahiin. Tirrinki dagaheete minka la, a Yeesso Kiriisto rubeytiissa.

2 Timooti 3:16

Chiirnaanneti Waakh tuumman a ti neebsihi Waakh kasoouummante. Chiirnaanneta enenyet a iroontahe, a mehe enenyet walahe abissa, enenyet uskeeliis icheekta, enenyet khumissa, saggi enenyet jiroti fissan ijiro la abissa.

1 Beetero 2:4

Kamuri iꞌdi daakki jireenye ꞌdooꞌd ꞌdiiꞌde, iꞌdaasenyi Waakkhi soobahsate ka weyti khumman iamiita.

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

2 Beetero 1:20

Waha tuumman ꞌdirihicho la, saggi Chiirnaanneti Waakhe goorat ꞌdooꞌdi Waákh íyeyyeedo cheeke too kalday laka malicho ikiimaatan abda.

2 Beetero 3:16

Baawulo khadaabbetiis tuumman ka, wahanyeyyohi emeet Kiriisto miinsan a kaayyeeda. Khadaabbeti Baawulo chiiro meelassoo, wihi us kaayyeedo abane a miig. ꞌDooꞌdi waha foolicho ikhabin ichoow ki yeed Yeesso goya kahusube mujjum hiiyyay ibihin la, wihi yeediis essi tuummane urgiyicha. ꞌDooꞌda la Chiirnaanneti Waakh tuumman saggaas on ibaabula. Iꞌda ka bakkinnaanki labakkicho iche isikeenaan.