1 Beetero 2:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka, suujoon tuumman ichoow ekkeysi tuumman ichoow iskaayyeelnaan ichoow kalꞌdarri ichoow ham tuumman kasootaba.

1 Beetero 2:1 ပူးပေါင်းရင်းမြစ်များ

Mattaayo 15:7

Iskaayyeessooy! Isaaya maanti us wori Waakhe atin miinsan kaayyeede a eysiiche.

Mattaayo 23:28

Atin laka iꞌdaasu, chaꞌatin laargo ꞌdooꞌdoo fiffissane iyoogtahiine, ugoka uuriin goyaka, atin a ꞌdooꞌdi iskaayyeelo toro hugunꞌdarri kaassohti.

Mattaayo 24:51

Usu seleye goggoocha, toro ꞌdooꞌdi iskaayyeelo goya gata. Intaas ka ooya, bolokh ka ilko iskaroba.”

Mattaayo 7:5

Iskaayyeessooy! Koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Marko 12:15

A igunna bal ma igunno?” Iꞌdaasenyi Yeesso saggi icho isikaayyeelaan garte, wihi us worsate, “Atin a iꞌdoh ani angey igelin iꞌdoontaan? Bal chilinkoo Rooma ikeena, a argo.”

Luuka 11:44

“Sinati atin sugto eenna a buure. A mehe atin a iꞌdi hawwaalohi dagah ikhabine, enenyet igaranne sarchooda on yabti.”

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Luuka 6:42

At saggoh walaalaah, ‘Walaalaaw, alley uruftaas il kaajirto a kaabahcho,’ ikatadeeh ati rubeytaah la gurtunki issaah goya kijiro ma agarto? Iskaayyeessooy koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Yoohana 1:47

Chirri Yeesso Naꞌdaanayelhi isoosohti arge ka, wihi usu miinsane us yidah, “Eti rumanka Issiraayelenye wihi beenaat liikaꞌhelin kalla.”

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

1 Koriinto 14:20

ꞌDooꞌd Kiriistokaaw, saggi nyaakhut iimalanna. Iꞌdaasenyi anki uskeeli layeelo ka, iꞌdi nyaakhuti rurrucchul ateeha, mali atin malattaan ka la, ꞌdooꞌdi wewweynaate ateeha.

1 Koriinto 5:8

Maantaka chirri inno Daawta Baasakka gello, uus innohi uskeel ichoow suujoon khabno gelin giꞌde. Iꞌdaakka inno a iꞌdi makaateti boodda fuurisse nateeh. Taba giꞌde ꞌdooꞌd Kiriisto rumanka ateeha, toro la ꞌdooꞌdi yeedi rummaat on cheeko ateeha. Iꞌdaakka atin a iꞌdi makaateti ifuurin.

2 Koriinto 12:20

Iꞌdi tahe maanti an goytiin amiit wihi an karooro, saggi kootte an iꞌdoono ma atin iꞌhelo, toro la saggi atin kootte iꞌdoontaan ma iꞌhessaan. Mehe karoora ya, waha tuumman goytiin ka a ꞌhela, jaakh ichoow inaaf ichoow holi buure ichoow wihi ebba wihi awtiis kalday on yowti ichoow ham ichoow meꞌdeꞌddeel ichoow rannyaat ichoow hugunꞌdarri.

Efeesso 4:31

Taba iisibobbolkhina ommos iisinyannyaamina ommos iisihohhollowina ommos iiskaarriirina ommos iishamanna ommos suujoonkoo rucchul laka iisikhabina.

1 'Dessaloonika 2:3

A mehe wori nah enenyet icheekne khollookh ma kijirine ommos mali suuje ma kasoobahine ommos ekkeysi ma eheynan.

1 Timooti 3:11

Saggaas on u deyyehoticho laka a deyyehoti liinkaanyito, enenyet imeꞌdeꞌddeeline, iꞌdaasenyi walah tuumman ka isjeyisso, walah tuumman ka lakakhuufo.

Tiito 2:3

Iꞌdaasu la, deyyehoti araarrinyee laka wihi at itadeeh, jiroticho ka, saggi deyyehoti munyee ijira. Iiche enenyet meꞌdeꞌddeeline, farsoti sabiib barin. Iꞌdaasenyi wihi haaggan enenyet a abisso,

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Yaakoobo 1:21

Maantaka, wihi uurassiin biꞌdirroocho tuumman ichoow suujoonki noole atin yeessaan kasootaba. Wori Waakh uurassiin goya gesse ribin atin yabuuꞌd samacchaar on khaadda.

Yaakoobo 3:14

Iꞌdaasenyi chirri uuraah inaaf ichoow bolokh buuhicheene toro la wihi awtaahha on yowatti, tab serey iisgeenne ommos yeedi rummaat aꞌdiiꞌdin.

Yaakoobo 4:11

ꞌDooꞌd Kiriistokaaw, taba iishamanna. Eti tuummane etoo koo Kiriistee hayhayo ommos hukkumo a iꞌdoo us amurreti Waakh hanti toro hayhayo. Geedda atin amurreti Waakh hukkuntaan, amurre ma raahtaane, geeddaase iche amurre fit tahe ichoow ichehuus goossaan.

Yaakoobo 4:5

Ommos Chiirnaanneti Waakhe, “Rubeyti Waakh goyteen gesse inaafe leetahe,” elatti a immarah on a?

Yaakoobo 5:9

ꞌDooꞌd Kiriistokaaw, taba iiskaannyuwina, uus Waakh uskeel atin igoonne. Waakkhi enenyet hukkumo min khariissa sootoolla.

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

1 Beetero 2:22

“Uskeel us yeele mele, been afiis leetimiy mele.”

1 Beetero 3:10

Iꞌdi Chiirnaanneti Waakh tadeeh u, “Eti jiro ꞌdoono, ibeenneti haaggan la argin ꞌdoono, harrabiis suujoon a kahosso, afiis la been a kahosso.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

1 Beetero 4:4

Waha tuumman ka, aalassiinki oraat weyti atin kagirmeestaan chaꞌatin kola icho ikakhayine uskeeli buurenye icho iꞌdaanu yeelaan iyeelin. Icho la abaari noole atin korchaan.

Bakkaahit 14:5

Icho la injire been ma goonne, wohoo rucchul laka ma lakacheekan.