1 Beetero 1:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Atin usu injire ma argine, eheetteey laka, usu a ꞌdoontaan. Atin usu toolla ma agartaane, eheetteey laka, usu a rummeysattaane toro la hamaadi etoo cheekin iubaaꞌdane toro weyti buurenye khabtaan,

1 Beetero 1:8 ပူးပေါင်းရင်းမြစ်များ

Mattaayo 10:37

“Eti tuummane ooyohiis ichoow abartiis ꞌdiriheey ꞌdoono, abattiteey ma imaline, toro la eti tuummane yeeletiis ommos albehiis ꞌdiriheey ꞌdoono, abattiteey ma imalin.

Yoohana 14:15

“Chirri atin iꞌdoontaan, amuri an atin siiche a raahtaan.

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”

Yoohana 14:24

Eti tuummane ani iꞌdoonin, wihi an abche laka ma raaho. Wihi atin daagteen la weheey menye, Aabbaheeyki isooerge iche kayimaateen.

Yoohana 16:22

Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.

Yoohana 20:29

Yeesso chirraakka wihi us iyidah, “At jeenteti at ani iagarte iche irummeysatte? Waakh ꞌdooꞌdi ani iargine irummeeste, a imaala.”

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Hilassi Ergaano 16:34

Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

1 Koriinto 16:22

Eti tuummane Kamur iꞌdoonin, a falanyahe! Kamuroow dowwa soonokho!

2 Koriinto 1:22

sumattiis inno gesse toro la Rubeyti Munyee rubeyoheen goya gesse. Toolla Rubeyti Munyeenye inno siicha ꞌdee wihi us inno iayyicho us berri inno siicho rummaacha.

2 Koriinto 12:4

Eta a lakhabte inti gosi Waakh lageeche, toro la yeedi lagane weeli enenyet af leekeenin ikamalin daage.

2 Koriinto 4:18

ꞌDeerka nah wihi laargo menye, wihi liiargine mujjum fiirinna. Iꞌdi tahe wihi laargo a wihi geeddoor on jiro, iꞌdaasenyi wihi liiargin a wihi jirtuu tuumman imassan.

2 Koriinto 5:7

A mehe jirota nah jirro jeenteti nah usu indo ikaagarro menye jeenteti kakhuufnaanki nah usu ikakhuufno iche ijirra.

2 Koriinto 9:15

Waakh kalaꞌd ilaabno jeenteti siintiisti buurenye inno af ka wihiche cheekin iubaaꞌdan u.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Efeesso 3:19

Toro la Waakhe daaha ꞌdee ꞌdoonin Kiriisto abattaan, chirri atin ꞌdooninta wihiche tuum aban iubaaꞌdan laka. Iꞌdaas ka buuhi Waakh tuum goytiinna buuhicha.

Efeesso 6:24

Waakh ba ꞌdooꞌdi tuummane Yeesso Kiriistohi Kamureene ꞌdooninti imassan ka ꞌdoono imaala.

Fiiliffi 1:25

An wahaase tissiba gone, wihi an gardi, an ma amuute, atin tuumman a atin leefiddiya ꞌdee hamaadiin ichoow kakhuufnaanki atin Waakh kakhuuftaan kakhayma.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Fiiliffi 4:4

Taba giꞌde, jeenteti atin ichoow Kamur ba wohoo kalday itahiin u, weyti hamaada. Toro la a adeehe, hamaada.

Ibiraaniya 11:1

ꞌDooꞌdi Waakh kakhuufo saggi wihi icho ikhajjeelaan isooyateehiine tissibaane, toro la wihi toolla liiargine ubaan.

Ibiraaniya 11:27

Muusa la kakhuufnaanki us Waakh kakhuufe on ka, iche ili Miissiri kabahe, holi karnat hollowe la ma karoorin. Ulla iꞌdoo us Waakkhi liiargin iarge u, yombohi us inokhti ꞌdiiꞌde.

1 Beetero 1:6

Wahaas tuumman ka weyti hamaada on. Iꞌdaasenyi toolla geeddoor sinayyohi fil ittaawenye bolokh atin ikeeno kolossoo a atin kawaaraan.

1 Beetero 2:7

Atinhi usu rummeysattaan ka daakka weyti atin ikhummanyahe. Iꞌdaasenyi ꞌdooꞌdi irummeysan ka, “Daakki ꞌdooꞌdi minan diso ꞌdiiꞌde, usu tirrinki dagaheete min tiiro yitah.”

1 Beetero 5:4

Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.