1 Beetero 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Wahaas tuumman ka weyti hamaada on. Iꞌdaasenyi toolla geeddoor sinayyohi fil ittaawenye bolokh atin ikeeno kolossoo a atin kawaaraan.

1 Beetero 1:6 ပူးပေါင်းရင်းမြစ်များ

Mattaayo 11:28

Kaaleya ani iamiita, atinhi tuummane geeddi atin huleesi nool siꞌddaan on kuranteen. An a atin naschaa.

Mattaayo 26:37

Beetero ichoow yeele Sebedaayoti lammee khaatte. Yeesso weyti bolkhe toro mali uskul gele.

Mattaayo 5:12

Girꞌdaama weyti hamaada giꞌde. Waakh goobiis ka kalaꞌddi buurenye atin gutaa. A mehe ꞌdooꞌdi Waákh íyeyyeedo goorat saggaas on sina liiomhiche.

Luuka 1:47

Rubeyteey la weyti Waakkheeyki ꞌDoorribee kahamaadda.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Luuka 2:10

Iꞌdaasenyi herti Waakh wihi iche ersimo itidah, “Roorro akhabina. Iꞌdi tahe ani Wori Haaggane ꞌdooꞌd tuumman kahamaadicho atin ikeene.

Yoohana 16:22

Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Rooma 5:11

Waha kalday la menye, Yeesso Kiriistohi Kamureene ka Waakh a keeylajna, a mehe Kiriisto ka Waakh ankiis a inno keene.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Rooma 9:2

Runtaas la a mehe ya, uureey ka oytinti buure ichoow bolokkhi uskule khaba

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

2 Koriinto 6:10

Rubeyoheenyo a bolkhaane iꞌdaasenyi kol dakkhan a hamaana, a miskiino iꞌdaasenyi ꞌdooꞌdi buurenye kamurroonna. Walah weheenyee mele toro la walah tuumman a khabna.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Fiiliffi 2:26

Ulla atin tuumman a atin imoona toro la jeenteti atin khannaatiis idaagteen u, weyti mali uskul gele.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Fiiliffi 4:4

Taba giꞌde, jeenteti atin ichoow Kamur ba wohoo kalday itahiin u, weyti hamaada. Toro la a adeehe, hamaada.

1 'Dessaloonika 1:6

Atin chirri sinayyo atin loomhiche laka, Wori Haaggan hamaadi buurenye Rubeyti Munyee atin siisse iche kakhaatatteen. Iꞌda ka la, atin dabateenyo ichoow koo Kamureen a raahteen.

Yaakoobo 1:2

ꞌDooꞌd Kiriistokaaw, maambaaw sinayyohi khar kayamiit atin isoobahaan weyti hamaad iekkaacha.

Yaakoobo 1:9

Eti Kiriisto rummeeste miskiine weynaantiisti buure a keeylajo.

Yaakoobo 4:9

Taba, ilmo khuba, ooya toro uuwwicha. Reyati atin reyattaan urgiyicha oytim kayeela, hamaadi atin khabtaan la urgiyicha fooli atin ribowo kayeela.

1 Beetero 3:17

Wihi deefo, chiꞌiche ꞌdooninti Waakh tahe, a atihi jeenteti at haag iyeessuu sina kaawaarto, atihi jeenteti at suujoon iyeessuu sina kaawaarto ka.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.