1 Beetero 1:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

1 Beetero 1:5 ပူးပေါင်းရင်းမြစ်များ

Yoohana 12:48

Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

Yoohana 17:15

Weysiheey ka wihi an kidaaho, atihi icho harrata kabihisso menye, iꞌdaasenyi a atihi Seytaanki uskeel leh kaholisso.

Yoohana 4:14

Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.

Rooma 8:18

An wihi an kamalde a waha, sinayyohi toolla harrata ka inno khabno ichoow weynaanti buurenye Waakh ꞌdee inno isoobabbakkaahicho ma isiyeyno.

1 Koriinto 1:21

Iꞌdi tahe Waakh kharatiis ka wihi us gooche, ꞌdooꞌdi harrata kharaticho on ka Waakh ma abti. Wihi Waakh kahamaadicho a chirri jiti ꞌdalammoon liikhaato Wori Haaggane lacheeko ka, us ꞌdooꞌdi woraas rummeeste ribo.

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Efeesso 2:8

A mehe Waakh haaggiiski buurenye atin ikamalin ka a atin ribe. Ribnaanka la kakhuufnaanki atin usu kakhuuftaane kayamiit. Waha la wihi atin kayimiy menye, a siinti Waakh one,

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

Fiiliffi 1:6

Wihi an tissibo a waha, Waakkhi hila haaggan goytiin ka sooumhe, orey on iwoya ichoowka ibeenki Yeesso Kiriisto soonokhti ka hila haaggan massicha.

Fiiliffi 4:7

Waakh la nebeytiiisti mali weeli enenyet tuumman kutto a atin kakaala. Atin ichoow Yeesso Kiriisto a wohoo kalday gone, nebeyta la uurassiin ichoow malassiin a toorribta.

2 Timooti 3:15

toro la saggi uus at weel keeheet Chiirnaanneti munyee lakaabche a garatta. Chiirnaanneta la kikharaan a tabuuꞌde, ꞌdee ribnaan kiwoyta. Ribnaanka la kakhuufnaanki Yeesso Kiriisto lakakhuufo iche lakeela.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Ibiraaniya 6:12

Iꞌda ka la wihi Waakh miinsan ka ma seyꞌhoottaane, iꞌdaasenyi dabati ꞌdooꞌdi samacchaar ichoow kakhuufnaanki icho Waakh kakhuufaan ka wihi Waakh ayyiche muꞌdane raahtaan.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

1 Beetero 4:13

Iꞌdaasenyi hamaada jeenteti atin Kiriisto sina ileegisantaane ꞌdee weyti ihamaaddaan maanti weynaantiis enenyet liisoobabbakkaahicho.

1 Beetero 5:1

Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.

2 Beetero 1:3

Miigti Waakh ka wihi tuummane jiro miinsane ꞌdee inno jiroti Waakh kahamaado jirro a inno siiche. Garanti inno Kiriisto garanni ka wahanyeyyohaas a khabna. Toro la weynaantiis ichoow haaggiiski weyti deefo ka a inno wahe.

1 Yoohana 3:2

Aalasseeyki an weyti ꞌdoono, inno toolla a nyaakhuti Waakh. Wihi berri inno nateeh la ma inno latusin. Iꞌdaasenyi wihi inno garanni, maanti Kiriisto soobaho inno laka iꞌdiissa nateeh, a mehe maantaas iꞌdi rumanka us yahe a agarra.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.