1 Beetero 1:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ A mehe toro a delatteen. Delmaattiin ilinti suujowto ma kiimaataane iꞌdaasenyi ilinti jirtuu tuumman ituumine leetimiy. Waha la a Yeedi Waakhe jiro khabo toro jirtuu tuumman ituumin.

1 Beetero 1:23 ပူးပေါင်းရင်းမြစ်များ

Mattaayo 24:35

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

Luuka 8:11

“Wihi mammahe miinsantahe kallaayo. Ilmo a Yeedi Waakh.

Yoohana 1:13

Nyaakhuta delmaatti sarti weeli enenyet ma kasoouummamine ommos wihi weeli enenyet gooche menye, ommos ꞌdooninti mejel mee. Iꞌdaasenyi Waakh rubeytiissa nyaakhutiis kayeesse.

Yoohana 1:3

Waakh usu ka, walah tuumman a soouume. Walah lasoouume laantiis lasoouume mala.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Rooma 1:23

Ichohi kootte weynaanti Waakkhi jirtuu iumaatan wahtaan ka, iyookkoyyohi enenyeti yamuut ommos chimbiro ommos binahi sohti ommos binahi uur il kajiito wahteen.

Ibiraaniya 4:12

Wihi Waakh yidah a iꞌdi wihi jiro khabo, miig laka khabo. Afi Yeedi Waakh leeyahiin la afi birlab laka a kutaane, rubey ichoow uur laka seley a goocha, toro la inti hubno ichoow duh kijiraan seley a goocha. Yeedi Waakh wihi suuje ichoow wihi haaggane uureen kijiro a tusa, mali enenyet ichoow wihi enenyet ꞌdoono dagsan laka mujjume fiiricha.

Yaakoobo 1:18

Maliis ka wihi us gooche, a ki us yeediiski rummaat ka jiroti husub inno siicho. Iꞌda ka wihi us soouume tuumman goyaka, wihi us soobahsate orate nateeh.

1 Beetero 1:25

Iꞌdaasenyi Yeedi Kamur jirtuu tuumman a jira.” Yeeda la a Wori Haaggane atin liicheeke.

1 Beetero 1:3

Waakkhi Aabba Yeesso Kiriistohi Kamureene koolinno. Us uurnugleeliiski buure on ka, jirotoo husube inno khajjeello a inno siiche. Jiti us waha kayeele la, a Yeesso Kiriistohi us omoot kasookahche.

1 Yoohana 3:9

Etoo kaldaye nyaakhuti Waakhenye uskeel goya kaassohti mele. Us jiroti Waakhe husube jira, uskeel goya kaassohan ma yabuuꞌd, a mehe us a nyaakhuti Waakh kichokoo.

1 Yoohana 5:18

Wihi inno garanni, ꞌdooꞌdi tuummane nyaakhuti Waakhe uskeel goya ma kaassohti. Weeli Waakhe icho toorribá, Seytaanki uskeel leh icho iꞌdoor rucchul laka ma yeelo.