1 Beetero 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Wori ribnaanka miinsan la ꞌdooꞌdi Waákh íyeyyeedo wihiis weyti yowte toro la mujjum hiisteen. Icho la haaggi Waakhe buurenye inno imunneynane atin iyamiit a cheekeen.

1 Beetero 1:10 ပူးပေါင်းရင်းမြစ်များ

Mattaayo 13:17

Rume atin icheeka, ꞌdooꞌdi ittaawenye Waákh íyeyyeedo ichoow ꞌdooꞌdi ittaawenye Waakhe fiffissan, wihi toolla atin agartaan argin a imooneene, iꞌdaasenyi ma argin. Wihi atin toolla daagtaan daagin a imooneene, iꞌdaasenyi ma daagin.”

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Luuka 10:24

A mehe wihi an atin isoocheeko, ꞌdooꞌdi ittaawenye Waákh íyeyyeedo ichoow karnato ba ichohi waha toolla atin agartaan argo a ꞌdooneene iꞌdaasenyi ma argin. Wihi atin toolla daagtaan daagin a ꞌdooneene, iꞌdaasenyi ma daagin.”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Yoohana 7:52

Wihi icho ilaabeen, “Ati laka boroofenhi Gaalilaaya katimiy? Bal Chiirnaanneti Waakh goya tabe, ꞌdee saggi ꞌdooꞌdi Waákh íyeyyeedo koo kalday laka injire boroofenhi Gaalilaaya ikiimaatan abo.”

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

Hilassi Ergaano 17:11

ꞌDooꞌdi ilkerengeetti Beeroya la iꞌdi ꞌdooꞌdi ꞌDessaloonika menye, a ꞌdooꞌdoo mujjum dogo khabo, weyti wihi liidowo dagansati, Chiirnaanneti Waakh soomo usu wihi Baawulo illeh idoween rum yahiin yeyo.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

Ibiraaniya 11:13

ꞌDooꞌda dakkhan la Waakh kakhuufaayi tuume. Icho la wihi Waakh iayyiche ma ꞌheline, toro la fogaka wihi ꞌdee berri sooyateeh argeene, kahamaadeen. Saggi icho harrata ka chiiy ichoow ꞌdooꞌdi yeelan iyahiin ꞌdow ka a cheekeen.

Ibiraaniya 11:40

Iꞌdi tahe Waakh mali inno iroone gooche. Iꞌdaas ka la laanteen Waakh ortiis ka ꞌdooꞌdi el laa ma yateehiin.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.