YUDAS 1:3 - JANJAI BLAU Lem Bahaso Jang Bebilai

³ Saudaro-saudaro de tecito! Uku sungguak-sungguak berusaho temulis su'et ngen udi tetang keselamatan de samo-samo ite meding. Tapi uyo uku meraso harus melei nasihat ngen temulis su'et yo utuk udi, supayo udi tep berjuang utuk imen de sudo nelei Allah utuk selamo-lamone ngen umat-Ne.

YUDAS 1:3 ပူးပေါင်းရင်းမြစ်များ

KISAH RASUL-RASUL 17:3

Si tem'ang ngen melei bukti ngen tobo'o bahwo Rajo Penyelamat harus meding saro ngen idup igai kunei tun matei, lajau Paulus madeak, “Dioba Rajo Penyelamat, adeba Yesus, de uku melei ngen ko.”

KISAH RASUL-RASUL 18:28

Kerno ngen penuak semangat si mbanteak tun-tun Yahudi neak adep umum ngen melei bukti kunei Kiteb Sucai bahwo Yesusba Rajo Penyelamat.

KISAH RASUL-RASUL 20:27

Coa perneak uku lalai ngen tugasku utuk jemlas ngen udi kute rencano Allah.

KISAH RASUL-RASUL 28:28

“Sebab o udi harus namen bahwo keselamatan de asalne kunei Allah yo senapei ngen bangso-bangso luyen ngen tobo'o bakea temi'ukne.” [

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

KISAH RASUL-RASUL 6:7

Firman Allah tambeak tesebea, jumlah penotoa neak Yerusalem tambeak dau; ngen dau kulo imem-imem de pecayo ngen Yesus.

KISAH RASUL-RASUL 9:13

Ananias jemawab, “Tuhan, uku sudo temi'uk dau tun miling tetang tun yo, te'utamo tetang penganiayaan-penganiayaan de si menea te'adep umat-Nu neak Yerusalem.

KISAH RASUL-RASUL 9:22

Tapi Saulus lebiak kuet pengaruhne. Bukti-bukti de si nadeak tetang Yesus kembiak benea bahwo Yesus do'oba Rajo Penyelamat, sapei tun-tun Yahudi de tinggea neak Damsyik coa dapet igai mbantah.

1 KORINTUS 15:3

Jano de uku semapei ngen Saudaro-saudaro adeba de sudo uku temimo kulo. De penting, awei de tetulis lem Kiteb Sucai, uku semapei ngen udi bahwo Kristus matei kerno duso-duso ite;

GALATIA 2:5

Tapi keme coa nyereak didik kulo ngen tobo'o, kerno keme lok jemago supayo Bito Baik o tep sucai utuk udi.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

GALATIA 6:11

Keliakba, awei ipe laine huruf-huruf de uku temulis ngen ko ngen tangenku suang.

EFESUS 1:1

Umat Allah neak Efesus, de setia ngen Kristus Yesus!

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

1 TIMOTIUS 1:18

Tugas yo uku melei ngen ko, Timotius anokku, sesuoi ngen pesen Allah de senapei nebai-nebai lem jemaat tetang dirainu. Lokba pesen o jijai bekal utuknu lem perjuangan de baik.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

2 TIMOTIUS 1:13

Totoaba ngen sungguak-sungguak ajaran de benea de sudo uku nelei ngen ko. Ngen lokba ko tep menea o lem imen ngen kasiak neak lem Kristus Yesus.

TITUS 1:4

Titus, ko adeba sungguak-sungguak anokku, sebab ko ngen uku bi pecayo ngen Kristus. Uku ma'ep supayo Allah Bapa ngen Kristus Yesus Rajo Penyelamat ite, melei berkat ngen sejahtera ngen ko.

IBRANI 13:22

Uku minoi supayo udi temi'uk nasihat-nasihat uku yo ngen sabar, sebab su'et yo coa kembiak panjang.

IBRANI 6:9

Tapi Saudaro-saudaro de tercito, kunyau keme madeak awei o, tapi keme yakin tetang udi. Keme yakin bahwo udi bi temimo hal-hal de baik, adeba berkat-berkat de adeba bagian kunei keselamatannu.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

2 PETRUS 2:21

Lebiak baik tun-tun de awei'o coa perneak kemnal dalen benea kunei Allah kunei pado tobo'o kemnal ne, tapi sesudo'o coa lok temotoa periteak de nelei Allah ngen tobo'o.

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

YUDAS 1:17

Tapi Saudaro-saudaroku de tecito, ingetba bakea jano de bel'o de nadeak rasul-rasul Tuhan ite Yesus Kristus.

YUDAS 1:20

Tapi udi, Saudaro-saudaroku, binaba terus idupnu bedasar pecayonu ngen Yesus Kristus. Imennu o kembiak sucai. Sementaro o bedu'oba ngen kuaso Roh Allah,

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.