YUDAS 1:21 - JANJAI BLAU Lem Bahaso Jang Bebilai

²¹ ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

YUDAS 1:21 ပူးပေါင်းရင်းမြစ်များ

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 14:21

Api bae de megong periteak-Ku ngen kemerjone, siba de kemasiak Uku! Api bae de kemasiak Uku, si bakea kenasiak Bak-Ku ngen Uku kulo bakea kemasiak si ngen bakea melei namen dirai-Ku ngen si.”

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

ROMA 5:21

Supayo, serai awei duso bekuaso lem alam maut, awei o kasih karuni bakea bekuaso kerno kebenaran utuk idup de kekal, kerno Yesus Kristus, Tuhan ite.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 8:39

atau kuaso-kuaso, baik de neak das, atau neak beak, atau sesuaktau makhluk luyen, coa bakea dapet cem'ei ite kunei kasih Allah, de ade lem Kristus Yesus, Tuhan ite.

2 TESALONIKA 3:5

Kirone Tuhan mbimbing udi utuk lebiak ngertai bahwo Allah kemasiak udi ngen bahwo Kristus melei ketabahan ngen udi.

2 TIMOTIUS 1:16

Tapi keluargo Onesiforus bi kekedau kilai semnang ateiku. Semoga Tuhan melei rahmatne ngen keluargo Onesiforus. Kunyau uku neak lem sel, Onesiforus coa selek ngen keadaan uku o.

2 TIMOTIUS 1:18

Ngen uku namen bahwo neak Efesus si dau nien temulung uku. Semoga Tuhan melei rahmatne ngen si pado bilai Tuhan mukum kute umat manusio.

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

2 PETRUS 3:12

selamo udi mbot ngen indau tekone Bilai Allah. Pado bilai o lenget bakea abis tekembem, ngen kerno panesne, mako benda-benda neak lenget bakea ajua.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

1 YOHANES 5:18

Ite namen bahwo kute tun de sudo jijai anok-anok Allah, coa bogoa menea duso, sebab Anok Allah semlamatne, ngen de jahat coa dapet menea jejano teadepne.

1 YOHANES 5:21

Anok-anokku, ne'uakba dirainu kunei patung-patung!

YUDAS 1:1

Saudaro-saudaro de sudo nok ngen de kembiak Allah Bapa kasihi, serto jenagai utuk Yesus Kristus. Sebagai hamba Yesus Kristus, uku – Yudas – saudaro kunei Yakobus,

YUDAS 1:22

Te'adep tun-tun de ragau ateine, lokba udi temunjuk belas kasih.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.