YUDAS 1:20 - JANJAI BLAU Lem Bahaso Jang Bebilai

²⁰ Tapi udi, Saudaro-saudaroku, binaba terus idupnu bedasar pecayonu ngen Yesus Kristus. Imennu o kembiak sucai. Sementaro o bedu'oba ngen kuaso Roh Allah,

YUDAS 1:20 ပူးပေါင်းရင်းမြစ်များ

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

KISAH RASUL-RASUL 6:7

Firman Allah tambeak tesebea, jumlah penotoa neak Yerusalem tambeak dau; ngen dau kulo imem-imem de pecayo ngen Yesus.

KISAH RASUL-RASUL 9:31

Mako jemaat neak kute Yudea, Galilea, Samaria jijai aman. Roh Sucai temulung, tobo'o idup lem saben bakea Tuhan, jemaat-jemaat o betambeak kuet, betambeak dau.

ROMA 15:2

Sebelekne ite masing-masing harus semnang atei sesamo saudaro ite utuk kebaikanne, supayo imenne tambeak kuet.

ROMA 8:15

Sebab udi coa temimo roh budok de menea udi jijai saben igai, tapi udi bi temimo Roh de jemijai udi anok-anok Allah. Ngen Roh o ite menggang, “ya Abba, ya Bapa!”

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

1 KORINTUS 10:23

Nadeak tun, “Ite buliak menea jano bae de ite lok.” Benea! Tapi coa kute de ite lok o beguno. “Ite buliak menea jano bae de ite lok” – tapi coa kute de ite lok o mbangun idupte.

1 KORINTUS 14:15

Jijai, uku harus menea jano? Dio de bakea uku nea: Uku bakea bedu'o ngen roh ku, tapi uku bakea bedu'o kulo ngen pekeranku. Uku bakea nyanyi ngen rohku, tapi uku lok nyanyi kulo ngen pekeranku.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

GALATIA 4:6

Kerno udi adeba anok, mako Allah bi meluak Roh Anok-Ne moi lem atei te, de menggang, “Ya Abba, ya Bapa!”

EFESUS 4:12

Dio nea-Ne supayo umat Allah lekep sepenuakne kunyau dapet melayani Tuhan ngen mbangun awok Kristus.

EFESUS 4:16

Neak beak pipinan-Ne, kute anggota awok o tesusun rapi, ngen neket jijai do ngen pelayanan kute bagianne. Amen tiep-tiep anggota o bekerjo awei de seharusne, mako kute awok o bakea idup jijai lai ngen kuet lem kasiak.

EFESUS 4:29

Jibeakba ade kecek de coa baik keluea kunei bibianu, tapi pakeiba kecek de baik utuk mbimbing ngen mulung tun luyen. Kecek-kecek awei o bakea jijai kebaikan ngen tun-tun de temi'ukne.

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

1 TESALONIKA 5:11

Kerno'o, lokba udi tep samo-samo ndukung ngen samo-samo melei semangat, serai de udi gidong menea uyo.

1 TIMOTIUS 1:4

Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

2 TIMOTIUS 1:5

Uku tinget ngen kepercayaannu de sungguak-sungguak ngen Kristus, serai awei kepercayaan niniknu Lois ngen indoknu Eunike. Ngen uku yakin ko kulo pecayo awei o.

TITUS 1:1

Anokku Titus! Uku, Paulus, temulis su'et yo sebagai hamba Allah ngen rasul Yesus Kristus. Uku niliak ngen nutus utuk temulung tun-tun piliak Allah supayo jijai kuet lem imen tobo'o. Uku kulo harus bimbing tobo'o supayo kemnal ajaran de benea de najea agamo te.

YAKOBUS 2:22

Neak yo jelasba bahwo imen harus kenten ngen perbuatan supayo jijai sempurno.

2 PETRUS 1:1

Saudaro-saudaro de sungguak-sungguak pecayo awei keme! Yesus Kristus, adeba Allah ngen Rajo Penyelamat ite. Menea ite pecayo ngen-Si, Si menea de benea. Su'et yo kunei Simon Petrus suang hamba ngen rasul Yesus Kristus.

1 YOHANES 5:4

Sebab kute Anok Allah sanggup maleak dunio. Ngen ite maleak dunio ngen imen ite

YUDAS 1:3

Saudaro-saudaro de tecito! Uku sungguak-sungguak berusaho temulis su'et ngen udi tetang keselamatan de samo-samo ite meding. Tapi uyo uku meraso harus melei nasihat ngen temulis su'et yo utuk udi, supayo udi tep berjuang utuk imen de sudo nelei Allah utuk selamo-lamone ngen umat-Ne.

WAHYU 13:10

“Tun de harus nukum, bakea nukum. Ngen tun de harus nunuak ngen pedang, bakea nunuak ngen pedang. Do'oba sebabne umat Allah harus sabar ngen setia.”