YUDAS 1:11 - JANJAI BLAU Lem Bahaso Jang Bebilai

¹¹ Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.

YUDAS 1:11 ပူးပေါင်းရင်းမြစ်များ

MATIUS 11:21

“Celako ko, Korazim! Ngen celako kulo, Betsaida! Seandaine mujizat-mujizat de nea neak antaronu sudo menea neak Tirus ngen Sidon, sahe tun-tun neak di bi an betobat kunei duso-duso tobo'o ngen makei keracok duko serto mpek abau moi das ulau.

IBRANI 11:4

Kerno berimen, mako Habel semreak ngen Allah kurban lebiak baik kunei kurban Kain. Kerno imenne o, Habel tenimo Allah sebagai tun de baik, sebab nyatoba bahwo Allah temimo persembahanne. Habel sudo ninggea, tapi kerno imenne o, mako si masiak miling sapei uyo.

2 PETRUS 2:15

Kerno tobo'o coa lok temotoa dalen de lu'us, mako tobo'o seset. Tobo'o mok dalen tenotoa Bileam anok Beor bel'o. Bileam yo lok nien dapet caci kunei perbuatanne de coa baik.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

WAHYU 2:14

Tapi awei yo ade kekedau hal de Uku coa senang kunei udi: Ade pa'o tun neak antaro udi de temotoa jano de najea Bileam. Bileam majea Balak awei ipe jemrumus umat Israel moi lem duso; ngen mbujuk tobo'o utuk mbuk kembuk de sudo seniap ngen patung, menea hal-hal de cabul.