YOHANES 9:4 - JANJAI BLAU Lem Bahaso Jang Bebilai

⁴ Ite arus kemerjo kerjo Si de mutus Uku, selamo masiak kebilai; bakea teko kelemen neak ipe coa ade suang tun de dapet bekerjo.

YOHANES 9:4 ပူးပေါင်းရင်းမြစ်များ

MATIUS 20:7

Tun-tun'o jemawab, ‘Coa ade tun de melei upeak keme utuk kerjo.’ ‘Amen awei'o,’ nadeak de temuan kebun'o, ‘lalauba udi kerjo neak kebunku.’

MARKUS 3:3

Nadeak Yesus ngen tun de tangenne matei depeak'o, “Maro, je ba neak donok!”

YOHANES 10:32

Padeak Yesus ngen tobo'o, “Dau kerjo de baik de be'asal kunei Bak-Ku de Uku kemten ngen udi. Kerjo de ipe neak antarone de sembab udi lok meluk Uku?”

YOHANES 10:37

Amen Uku coa menea kerjo Bak-Ku, jibeakba pecayo ngen Uku.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 17:4

Uku bi mulio Ko neak bumai ngen semlesei kerjo de Ko melei ngen-Ku utuk uku meneane.

YOHANES 4:34

Nadeak Yesus ngen tobo'o, “Kembuk-Ku adeba menea kelokne de mutus Uku ngen semelesei kerjo-Ne.

YOHANES 5:19

Mako Yesus jemawab tobo'o, nadeak-Ne, “Sesungguakne Uku madeak ngen udi, Anok coa dapet kemerjo sesuatau kunei dirai-Ne suang, amen Si coa dapet kemliak Bapa kemerjone. Sebab, jano de kenerjo Bapa, kenerjo Anok.

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

YOHANES 7:33

Lajau padeak Yesus, “Tinggea didik waktaune Uku ade sesamo udi ngen sesudo'o Uku bakea lalau ngen Si de sudo mutus Uku.

KISAH RASUL-RASUL 4:20

Sebab keme coa nam bedan miling tetang jano de sudo keme kemliak ngen temi'uk suang.”

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

EFESUS 5:16

Neaba sebaik-baikne tiep kesepatan de ade ngen udi, kerno maso-maso yo adeba maso de kidek.

KOLOSE 4:5

Neak lem hubungan udi ngen tun-tun de coa pecayo, lokba udi idup bijaksana ngen makei tiep kesepatan ngen sebaik-baikne.