YOHANES 9:39 - JANJAI BLAU Lem Bahaso Jang Bebilai

³⁹ Lajau padeak Yesus, “Uku teko moi lem dunio utuk mukum, supayo tun sutai dapet ngeliak, ngen tun de ngeliak jijai sutai.”

YOHANES 9:39 ပူးပေါင်းရင်းမြစ်များ

MATIUS 11:5

Tun buto kemliak, tun pakuak paneu, tun de temuan olon babok de kembiak saben ite kemliakne ka'en; tun setiuk temi'uk, tun matei idup igai, ngen Bito Baik kunei Allah senapei ngen tun peset.

MATIUS 15:14

Jibeakba renyeng ngen tun-tun Farisi'o. Tobo'o pemipin-pemipin buto, amen tun buto mipin tun buto, keduaine bakea us moi lem lubang.”

MATIUS 6:23

Tap amen matainu pudea, kute awoknu kembiak gelep. Amen lapu neak lem awoknu gelep, padeak kembiak gelepne do'o!”

LUKAS 1:79

awei yo ba Si melei te'ang-Ne ngen kute tun de idup neak lem kelem ngen saben. Si mipin ite moi dalen damoi sejahtera.”

LUKAS 13:30

Sesungguakne, ade tun de kedong de bakea jijai tun dedute, ngen ade tun de dute de bakea jijai de kedong.”

LUKAS 2:34

Lajau Simeon melei berkat tobo'o ngen madeak ngen Maria, indok Anok o, “Anok yo sudo niliak Allah utuk mukum ngen semlamat dau tun Israel. Si bakea jijai tando kunei Allah, de bakea tentang dau tun.

LUKAS 4:18

“Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

LUKAS 7:21

Pado saat o Yesus kema'en dau tun kunei kute olon ngen derito ngen kunei roh-roh kidek, ngen Si melei karunio pengeliak ngen dau tun sutai.

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

YOHANES 12:46

Uku bi teko moi lem dunio awei te'ang, supayo tiep tun de pecayo ngen Uku jibeak tinggea neak lem kelem.

YOHANES 3:17

Sebab Allah mutus Anok-Ne moi lem dunio iso utuk makim dunio, tapi utuk semlamatne.

YOHANES 3:19

Dioba hukuman'o: Te'ang bi teko lem dunio, tapi manusio lebiak galok kelem kunei pado te'ang, sebab plep tobo'o kidek.

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

YOHANES 8:15

Udi mukum temurut ukuran manusio, Uku coa mukum suang tun.

YOHANES 9:25

Jawabne, “Jano tun o tun beduso, Uku coa namen. Tapi do hal uku namen, adeba bahwo Uku nanone sutai, ngen uyo pacok ngeliak.”

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

2 KORINTUS 2:16

Teadep tun-tun de gidong moi kehancuran, keme yo awei mbon kematian de menea matei; tapi teadep tun-tun de gidong senlamat, keme awei mbon um de mbin kehidupan. Nah, api de dapet maneu tugas yo?

EFESUS 5:14

Do'oba sebabne de nadeak, “Kelongonba, hoi udi de tidua ngen jagaiba kunei tun-tun matei ngen Kristus bakea bercahayo das udi.”

2 TESALONIKA 2:10

Si bakea makei ca'o kidek utuk sesat tun-tun de bakea binaso. Tobo'o bakea binaso sebab temulok ngen coa senang bito de benea kunei Allah de dapet semlamat tobo'o.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

1 YOHANES 2:11

Tapi tun de jengik ngen saudarone, ade neak lem kelem. Si paneu neak kelem, ngen coa namen moi ipe si lalau, sebab kelem o menea si coa nam ngeliak.