YOHANES 8:51 - JANJAI BLAU Lem Bahaso Jang Bebilai

⁵¹ Sesungguakne Uku madeak ngen udi: Api bae temotoa firman-Ku, si coa bakea meding maut sapei keke'anne.”

YOHANES 8:51 ပူးပေါင်းရင်းမြစ်များ

MATIUS 16:28

Uku madeak ngen ko sebeneane kunei antaro udi neak yo ade de coa bakea matei, ayok kemliak Anok Manusio teko awei Rajo.”

LUKAS 2:26

ngen Roh Allah sudo melei namen ngen si, si coa bakea matei ayok kemliak Rajo Penyelamat de jenanjai Tuhan.

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

YOHANES 15:20

Tinget ba jano de sudo Uku madeak ngen udi: ‘Suang pelayan coa ba lebiak lekat kunei tuanne.’ Amen tobo'o bi temotoa firman-Ku, tobo'o kulo bakea temotoa keceknu.

YOHANES 17:6

Uku bi kemnal Bapa ngen kute tun de Ko melei ngen-Ku kunei dunio. Tobo'o adeba Bapa temuan. Bapa bi melei tobo'o ngen-Ku ngen tobo'o bi temotoa firman-Nu.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

YOHANES 6:50

Dioba ruti de tu'un kunei surgo: Api bae de mbuk kuneine, si coa bakea matei.

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

YOHANES 8:52

Nadeak tun-tun Yahudi ngen Si, “Uyo keme namen bahwo Ko pasuk semat. Sebab Abraham sudo matei ngen awei yo kulo nebai-nebai. Tapi Ko madeak, ‘Api bae de temotoa firman-Ku, si coa bakea meding maut sapei keke'anne.’

YOHANES 8:55

pado hal udi coa kemnal Si. Tapi Uku kemnal Si. Amen Uku madeak: Uku coa kemnal Si, mako Uku adeba tukang ngike, serai awei udi, tapi Uku kemnal Si ngen Uku temotoa firman-Ne.

IBRANI 11:5

Kerno imen, mako Henokh coa matei, tapi naket ngen nembin moi Allah. Coa suang kulo dapet temau si, sebab si sudo naket Allah. Lem Kiteb tetulis bahwo ayok Henokh naket, si semnang atei Allah.

IBRANI 2:9

Tapi ite bi kemliak Yesus berkuaso! Si jenijai rendeak didik kunei malaikat utuk waktau de siket, supayo das kebaikan atei Allah Si dapet matei utuk kute umat manusio. Ite kemliak Si uyo nelei penan de mulio ngen terhormat kerno Si bi menderita sapei matei.