YOHANES 8:44 - JANJAI BLAU Lem Bahaso Jang Bebilai

⁴⁴ Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

YOHANES 8:44 ပူးပေါင်းရင်းမြစ်များ

MATIUS 12:34

Ko tun jahat, kero ko dapet mucep hal-hal de baik amen ko jahat? Jano de nucep bibia do'oba de keluea kunei atei!

MATIUS 13:15

Sebab pekeran tun-tun yo bi ijai tupua, tiuk tobo'o bi jijai seti'uk ngen matai tobo'o bi mejem cendok utuk ngerti. Dio tejijai kunyau matai tobo'o jibeak kemliak, ti'uk tobo'o jibeak temi'uk pekeran tobo'o jibeak ngertai ngen jibeak belek ngen Uku, lajau Uku kema'en tobo'o.’ ”

MATIUS 13:38

Kebun'o adeba dunio yo. Biniak de baik'o adeba tun-tun de bi jijai anggota umat Allah. Lalang'o adeba tun-tun de jijai golongan Iblis.

YOHANES 6:70

Jawab Yesus ngen tobo'o, “Uku suang de sudo miliak udi de duai belas yo. Tapi suang neak antaro udi adeba Iblis.”

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.

YOHANES 8:38

Jano de Uku kemliak ngen Bapa-Ku, do'oba de Uku madeak. Awei o kulo udi menea tetang jano de udi temi'uk kunei Bapa-Nu.”

YOHANES 8:41

Udi kemerjo kerjo baknu suang.” Jawab tobo'o, “Keme coa laher kunei nga'em. Bak keme do, adeba Allah.”

YOHANES 8:55

pado hal udi coa kemnal Si. Tapi Uku kemnal Si. Amen Uku madeak: Uku coa kemnal Si, mako Uku adeba tukang ngike, serai awei udi, tapi Uku kemnal Si ngen Uku temotoa firman-Ne.

KISAH RASUL-RASUL 13:10

Paulus madeak, “Hoi anok Iblis, ko penuak ngen memecem tipu muslihat ngen kejahatan, ko musuak kute kebenea, ko coa bakea bedan musak ajaran Yesus de lu'us'o?

KISAH RASUL-RASUL 24:9

Tun-tun Yahudi de ade neak di kulo milau temuduak Paulus ngen mbenea kute de nadeak Tertulus.

KISAH RASUL-RASUL 5:3

Mako Petrus madeak ngen si, “Ananias, getai ko munyau Iblis kemuaso atei nu, sapei ko mike ngen Roh Sucai, seca'o dediem tema'en utuk dirainu suang tengeak kunei caci jemuoa taneak o?

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

1 YOHANES 1:8

Amen ite madeak bahwo ite coa beduso, ite mike dirai ite su'ang; ngen Allah coa ade neak lem atei ite.

1 YOHANES 2:21

Jijai uku temulis dio ngen udi iso kerno udi coa kemnal ajaran de benea, tapi kerno udi sudo kemnalne, udi kulo namen bahwo coa ade dusta lem ajaran de benea o.

1 YOHANES 2:4

Tun de madeak, “Uku kemnal Allah,” tapi coa taat ngen periteak-periteak-Ne, tun o tukang mike, ngen Allah coa ade neak lem ateine.

1 YOHANES 3:12

Jibeakba ite awei Kain, de jijai anok Iblis ngen munuak pasuakne su'ang. Jano sebab Kain munuak pasuakne? Sebab hal-hal de neane adeba saleak, tapi hal-hal de nea pasuakne adeba benea.

1 YOHANES 3:15

Tun de jengik ngen saudarone adeba pembunuh, ngen udi namen bahwo su'ang pembunuh coa temuan hidup sejati ngen kekal.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 12:9

Nagai lai o nuang moi luea! Siba dung tuai o de genne Iblis atau Roh Kidek, de mike kute dunio. Si nuang moi bumai ngen kute malaikatne.

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.

WAHYU 21:8

Tapi tun-tun penyaben, tun-tun de coa pecayo, tun-tun keji, pembunuh, tun-tun zina, penyihir, tun de nyembeak patung ngen kute pendusta, bakea nuang moi lem lautan opoi ngen bli'ang de lai, adeba kematian de keduai.”

WAHYU 22:15

Tapi tun-tun de menea hal-hal de keji, de makei lemau-lemau gaib, tun-tun de menea plep-plep kidek, de munuak, de nyembeak patung, ngen tun-tun de ngike, baik ngen kecek-kecek atau ngen plep, kute tun o penanne neak luea kota o.

WAHYU 9:11

Tobo'o temuan rajo de meriteak tobo'o, rajo o adeba malaikat de tanggung jawab das jurang maut. Neak lem bahaso Ibrani, genne adeba Abadon; lem bahaso Yunani Apolion (taine “Pengusak”).