YOHANES 8:39 - JANJAI BLAU Lem Bahaso Jang Bebilai

³⁹ Jawab tobo'o ngen Si, “Bak keme adeba Abraham.” Padeak Yesus ngen tobo'o, “Amen sekirone udi anok-anok Abraham, udi kemerjo de kenerjo Abraham.

YOHANES 8:39 ပူးပေါင်းရင်းမြစ်များ

MATIUS 3:9

Jibeak kiro ko nam keluea kunei ukuman, ngen madeak Abraham adeba ninik puyongnu. Ingetba Allah nam jemijai turunan Abraham kunei butau-butau yo!

MATIUS 5:45

supayo udi jijai anok-anok Baknu neak surgo. Sebab Allah sinea matai bilai utuk tun de jahat ngen tun baik, Allah kulo temu'un ujen utuk de benea ngen tun de jahat kulo.

YOHANES 8:33

Jawab tobo'o, “Keme adeba royot Abraham ngen coa perneak jijai pelayan api bae. Awei Ko dapet madeak: ‘Udi bakea mbebas’?”

YOHANES 8:37

Uku namen bahwo udi adeba royot Abraham, tapi udi berusaho munuak Uku kerno Firman-Ku coa dapet penan neak lem udi.

YOHANES 8:43

Jano sebabne udi coa ngertai bahaso-Ku? Sebab udi coa dapet temakep firman-Ku.

YOHANES 8:56

Abraham baknu beriang bahwo si bakea kemliak bilai-Ku ngen si bi kemliakne ngen si besukocito.”

ROMA 4:12

Si kulo jijai Bapa tun-tun de senunat, adeba tobo'o de iso cuma senunat, tapi kulo temotoa jejak imen Abraham, Bapa leluhur ite, pado maso si ati senunat.

ROMA 4:16

Kerno do'oba kebenaran das dasar imen supayo jijai kasih karunio, sehinggo janjai o berlaku utuk kute royot Abraham, iso cuma utuk tobo'o de idup kunei hukum agamo Yahudi, tapi kulo utuk tobo'o de idup kunei imen Abraham. Sebab Abraham adeba Bapa ite kute.

ROMA 9:7

Ngen kulo coa kute de teitung royot Abraham adeba anok Abraham, tapi, “De asalne kunei Ishak de bakea senbut royotnu.”

GALATIA 3:29

Amen udi de Kristus temuan, mako udi adeba royot Abraham. Ngen udi bakea temimo jano de Allah janjai.

GALATIA 3:7

Jijai lokba udi sadar bahwo tun de benea-benea royot Abraham adeba tun de pecayo ngen Allah.