YOHANES 8:38 - JANJAI BLAU Lem Bahaso Jang Bebilai

³⁸ Jano de Uku kemliak ngen Bapa-Ku, do'oba de Uku madeak. Awei o kulo udi menea tetang jano de udi temi'uk kunei Bapa-Nu.”

YOHANES 8:38 ပူးပေါင်းရင်းမြစ်များ

MATIUS 3:7

Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko?

YOHANES 14:10

Coa pecayo ko bahwo Uku lem Bak ngen Bak lem Uku? Jano de Uku madeak ngen udi, coa Uku madeak kunei dirai-Ku suang, tapi Bak, de tinggea lem Uku, Siba de menea kerjo-kerjo-Ne.

YOHANES 14:24

Api bae de coa mengasiak Uku, si coa temotoa firman-Ku. Firman de udi temi'uk iso kunei Uku, tapi kunei Bak de mutus Uku.

YOHANES 17:8

Sebab kute firman de Ko semapei ngen Uku bi Uku semapei, ngen tobo'o bi temimo-Ne. Tobo'o bebenea namen bahwo Uku teko kunei Ko ngen tobo'o pecayo bahwo Ko ba de sudo mutus Uku.

YOHANES 3:32

Si saksai tetang jano de kemliak-Ne ngen de temi'uk-Ne, tapi coa suang tun de temimo saksai-Ne o.

YOHANES 5:19

Mako Yesus jemawab tobo'o, nadeak-Ne, “Sesungguakne Uku madeak ngen udi, Anok coa dapet kemerjo sesuatau kunei dirai-Ne suang, amen Si coa dapet kemliak Bapa kemerjone. Sebab, jano de kenerjo Bapa, kenerjo Anok.

YOHANES 5:30

“Uku coa dapet menea jano bae kunei dirai-Ku suang. Uku mukum sesuoi ngen jano de Uku temi'uk. Ngen ukuman-Ku adea, sebab Uku coa temotoa kelok-Ku suang, seluyen kelok-Ne de mutus Uku.

YOHANES 8:26

Dau de arus Uku madeak ngen Kumakim tetang udi. Tapi Si de mutus Uku, adeba benea. Ngen jano de Kutemi'uk kunei Si, do'oba de Uku madeak ngen dunio.”

YOHANES 8:41

Udi kemerjo kerjo baknu suang.” Jawab tobo'o, “Keme coa laher kunei nga'em. Bak keme do, adeba Allah.”

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.