YOHANES 7:29 - JANJAI BLAU Lem Bahaso Jang Bebilai

²⁹ Uku namen Si, sebab Uku teko kunei Si, ngen Siba de mutus Uku.”

YOHANES 7:29 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 10:15

Serai awei Bak namen ngen Uku ngen Uku namen ngen Bak, Uku melei nyabai-Ku utuk bebirai-Ku.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 17:18

Serai awei Bapa bi mutus Uku moi lem dunio, awei'o kulo Uku bi mutus tobo'o moi lem dunio.

YOHANES 6:46

Hal'o coa berartai, bahwo ade tun de sudo kemliak Bapa. Cuma Si de teko kunei Allah, Siba de sudo kemliak Bapa.

YOHANES 8:55

pado hal udi coa kemnal Si. Tapi Uku kemnal Si. Amen Uku madeak: Uku coa kemnal Si, mako Uku adeba tukang ngike, serai awei udi, tapi Uku kemnal Si ngen Uku temotoa firman-Ne.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

1 YOHANES 4:9

Allah madeak bahwo Si mengasiak ite ngen mutus Anok-Ne de tunggea moi lem dunio supayo ite dapet idup liwet Anok-Ne o.