YOHANES 7:28 - JANJAI BLAU Lem Bahaso Jang Bebilai

²⁸ Waktau Yesus ngajea neak Bait Allah, Si menggang, “Memang Uku udi namen ngen udi namen kunei ipe asal-Ku; tapi Uku teko iso das kelok-Ku suang, tapi Uku nutus ngen Si de benea de coa udi namen.

YOHANES 7:28 ပူးပေါင်းရင်းမြစ်များ

MATIUS 11:27

Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.

MATIUS 2:23

Neak di, si tinggea neak kota Nazaret. Hal'o tejijai awei de nadeak nebai-nebai tetang Anok'o: “Si bakea senbut Tun Nazaret.”

MATIUS 26:55

Lajau Yesus madeak ngen tun dau'o, “Jano Uku yo penjahat, sapei udi teko ngen mbin pedang ngen gado utuk temakep Uku? Tiep bilai Uku ngajea neak Umeak Allah ngen udi coa temakep Uku!

LUKAS 10:22

Kutene bi senreak Bapa ngen Coa suang kulo kemnal Anok, luyen kunei Bapa. Coa ade kulo de kemnal Bapa luyen kunei Anok; ngen tun-tun ngen Anok o lok kemnal Bapa.”

LUKAS 2:11

Bilai yo bi laher utuk udi juruselamat, adeba Kristus, Tuhan, neak kota Daud.

LUKAS 2:39

Sesudo Yusuf ngen Maria menea kute de harus kunei Ukum Tuhan, tobo'o belek moi Nazaret neak Galilea.

LUKAS 2:4

Yusuf kulo lalau kunei kota Nazaret neak Galilea moi Yudea, neak kota Daud de genne Betlehem, – kerno si asalne kunei keluargo ngen royot Daud.

LUKAS 2:51

Sesudo'o Yesus belek besamo tobo'o moi Nazaret, taat ngen tobo'o. Kute hal o naik indok-Ne neak lem ateine.

YOHANES 1:46

Nadeak Natanael ngen si, “Maso sesuatau de baik teko kunei Nazaret?” Nadeak Filipus ngen si, “Maro ngen keliak ba suang!”

YOHANES 10:36

Masiak udi madeak ngen Si de senucai ngen Bak ngen de sudo nutus-Ne moi lem dunio. Ko mino Allah! Kerno Uku bi madeak: Uku anok Allah?

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 14:10

Coa pecayo ko bahwo Uku lem Bak ngen Bak lem Uku? Jano de Uku madeak ngen udi, coa Uku madeak kunei dirai-Ku suang, tapi Bak, de tinggea lem Uku, Siba de menea kerjo-kerjo-Ne.

YOHANES 14:31

Tapi dunio arus namen bahwo Uku mengasiak Bapa ngen bahwo Uku kemerjo kutene awei de neriteak Bapa ngen Uku. Klongonba, maroba ite lalau kunei piyo.”

YOHANES 16:3

Tobo'o bakea menea awei yo, kerno tobo'o coa namen baik Bapa kulo Uku.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

YOHANES 3:33

Api de mimo saksai-Ne o, si ngakau bahwo Allah adeba benea.

YOHANES 5:32

Ade de luyen besaksai tetang Uku ngen Uku namen, bahwo saksai de nelei-Ne tetang Uku adeba benea.

YOHANES 5:43

Uku teko lem gen Bapa-Ku ngen udi coa temimo Uku. Amen tun luyen teko das genne suang, udi bakea temimo si.

YOHANES 6:42

Nadeak tobo'o, “Iso Si yo Yesus, Anok Yusuf. Indok bak-Ne ite namen? Awei ipe Si dapet madeak: Uku bi tu'un kunei surgo?”

YOHANES 7:14

Tengeak-tengeak pesta, Yesus masuk moi lem Umeak Tuhan, lajau muloi majea.

YOHANES 8:14

Jawab Yesus, “Uku besaksai tetang dirai-Ku suang, tapi saksai-Ku o benea, sebab Uku namen, kunei ipe Uku teko ngen moi ipe Uku lalau. Udi coa namen kunei ipe Uku teko ngen moi ipe Uku lalau.

YOHANES 8:16

Ngen kunyau Uku mukum, ukuman-Ku o benea, sebab Uku coa suang dirai, tapi Uku sesamo ngen Bapa de mutus Uku.

YOHANES 8:19

Lajau nadeak tobo'o ngen Si, “Neak ipe Bapa-Nu?” Jawab Yesus, “Baik Uku jano Bapa-Ku coa udi namen. Sekirone udi namen Uku, udi namen kulo Bapa-Ku.”

YOHANES 8:26

Dau de arus Uku madeak ngen Kumakim tetang udi. Tapi Si de mutus Uku, adeba benea. Ngen jano de Kutemi'uk kunei Si, do'oba de Uku madeak ngen dunio.”

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

YOHANES 9:29

Keme namen bahwo Allah bi melei firman ngen Musa, tapi tetang si o keme coa namen kunei ipe Si teko.”

KISAH RASUL-RASUL 17:23

Kerno ketiko uku paneu neak kotanu, uku kemliak penan-penan semyangnu, uku temau kulo debueak penan melei kurban. Neak di ade tetulis, ‘Ngen Allah de coa kenal.’ Jano de udi sembeak ngen coa kemnalne, do'oba de uku melei ngen udi.

ROMA 1:28

Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

ROMA 3:4

Paset bae coa! Sebelekne: Allah adeba benea, ngen kute manusio pendusta, awei ade tetulis: “Supayo Ko ternyato benea lem kute firman-Nu, ngen menang, amen Ko nukum.”

2 KORINTUS 1:18

Demi Allah de setia, janjai keme ngen udi iso “Ya” ngen “Coa”.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

1 YOHANES 5:10

Sebab o, tun de pecayo ngen Anok Allah, sudo temimo saksai o neak lem ateine; tapi tun de coa pecayo ngen Allah, bi manggap amen Allah pendusta, sebab si coa pecayo jano de nadeak Allah tetang anok-Ne.