YOHANES 7:14 - JANJAI BLAU Lem Bahaso Jang Bebilai

¹⁴ Tengeak-tengeak pesta, Yesus masuk moi lem Umeak Tuhan, lajau muloi majea.

YOHANES 7:14 ပူးပေါင်းရင်းမြစ်များ

MATIUS 21:12

Lajau Yesus masuk moi Bait Allah tun Yahudi ngen musir kute tun de jagea ngen de nukua neak di. Si musak mija-mija penan mukar caci ngen baku-baku tukang jagea burung daro.

MATIUS 26:55

Lajau Yesus madeak ngen tun dau'o, “Jano Uku yo penjahat, sapei udi teko ngen mbin pedang ngen gado utuk temakep Uku? Tiep bilai Uku ngajea neak Umeak Allah ngen udi coa temakep Uku!

LUKAS 19:47

Tetiep bilai Si ngajea neak lem Umeak Tuhan. Imem-imem kepalo ngen gu'au-gu'au agamo serto pemipin-pemipin Yahudi lok munuak Si,

YOHANES 18:20

Jawab Yesus ngen si, “Uku miling te'us te'ang ngen dunio. Uku bogoa ngajea neak umeak-umeak semyang ngen neak Bait Allah, penan kute tun Yahudi bekopoa. Uku coa perneak miling bebunyin.

YOHANES 5:14

Sesudo o Yesus temau ngen si lem Bait Allah lajau madeak ngen si, “Tinget udi bi ka'en. Jibeak menea duso igai, supayo jibeak terjijai de lebiak kidek igai ngen udi.”

YOHANES 7:2

Waktau o sudo pa'ok Bilai Rayo tun Yahudi, adeba Bilai Rayo Pondok Dawen.

YOHANES 7:28

Waktau Yesus ngajea neak Bait Allah, Si menggang, “Memang Uku udi namen ngen udi namen kunei ipe asal-Ku; tapi Uku teko iso das kelok-Ku suang, tapi Uku nutus ngen Si de benea de coa udi namen.

YOHANES 7:37

Pado bilai akhir kunei perayaan'o, adeba bilai de paling peting, Yesus je neak Umeak Tuhan ngen menggang, “Api bae de aus, lok ba si teko ngen Uku ngen menem!

YOHANES 8:2

Pepueng nien Si ade igai neak Umeak Tuhan, ngen kute rakyat teko ngen-Ne. Si temot ngen ngajea tobo'o.

YOHANES 8:20

Kecek-kecek o de nadeak Yesus pa'ok kutak-kutak caci, waktau Si majea neak lem Umeak Tuhan. Tapi Coa suang tun de temakep Si, kerno waktaune ati sapei.