YOHANES 7:13 - JANJAI BLAU Lem Bahaso Jang Bebilai

¹³ Coa suang kulo de binai madeak seca'o tete'ang tetang Si kerno saben te'adep tobo penguaso Yahudi.

YOHANES 7:13 ပူးပေါင်းရင်းမြစ်များ

YOHANES 19:38

Sesudo'o Yusuf kunei Arimatea minoi ngen Pilatus, supayo si neluak temu'un mayit Yesus. (Yusuf adeba penotoa Yesus, tapi bebunyin kerno saben ngen tobo penguaso Yahudi.) Pilatus kemabul kinoine o. Lajau tekoba si ngen temu'un mayit o.

YOHANES 20:19

Waktau bilai bi kelemen pado bilai pertamo minggau o kopoaba penotoa-penotoa Yesus neak do penan ngen bang-bang de tekucai kerno tobo'o saben ngen tobo penguaso Yahudi. Pado waktau o tekoba Yesus ngen je neak tengeak-tengeak tobo'o ngen madeak, “Damoi sejahtera utuk udi!”

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

YOHANES 7:1

Sesudo'o Yesus paneu keliling Galilea, sebab Si coa lok tep tinggea neak Yudea, kerno neak yo tun-tun Yahudi berusaho utuk munuak-Ne.

YOHANES 7:11

Tobo penguaso Yahudi mesoa Si neak pesta o ngen madeak, “Neak ipe Si?”

YOHANES 7:15

Tobo penguaso Yahudi meding selle ngen madeak, “Awei ipe tun yo temuan pengetahuan awei yo ngen coa belajea?”

YOHANES 9:22

Tun tuaine madeak awei yo, kerno tobo'o saben ngen tun-tun Yahudi, sebab tobo penguaso Yahudi o bi sepakat bahwo tiep tun de makau si awei Rajo Penyelamat, coa buliak igai masuk umeak semyang.

YOHANES 9:34

Jawab tobo'o ngen Si, “Ko yo laher samo sekilai lem duso ngen Ko lok majea keme?” Lajau tobo'o musir si moi luea.

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.