YOHANES 6:68 - JANJAI BLAU Lem Bahaso Jang Bebilai

⁶⁸ Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

YOHANES 6:68 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MARKUS 8:29

Yesus temnai ngen tobo'o, “Tapi temurut ko, api Uku yo?” Mako Petrus jamawab, “Ko adeba Mesias!”

LUKAS 9:20

“Tapi temurut udi suang, Uku yo api?” tanye Yesus. Petrus jemawab, “Bak adeba Rajo Penyelamat de jenanjai Allah.”

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 12:50

Uku namen bahwo periteak-Ne o adeba idup de kekal. Kerno o jano de arus Uku madeak, Uku semapei awei ipe de najea Bak ngen-Ku.”

YOHANES 17:8

Sebab kute firman de Ko semapei ngen Uku bi Uku semapei, ngen tobo'o bi temimo-Ne. Tobo'o bebenea namen bahwo Uku teko kunei Ko ngen tobo'o pecayo bahwo Ko ba de sudo mutus Uku.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 6:63

Roh Allah de melei idup, daging samo sekilai coa beguno. Kecek-kecek de Uku madeak ngen udi adeba roh ngen idup.

KISAH RASUL-RASUL 13:26

Hoi Pasuak-pasuak ku, udi de termasuk royot Abraham ngen udi kulo de saben ngen Allah, bito keselamatan'o sudo senapei ngen ite.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

KISAH RASUL-RASUL 5:20

“Lalauba je neak Bait Allah ngen melei namenba ngen tun-tun tetang idup de belau yo.”

KISAH RASUL-RASUL 7:38

Musaba de neak tengeak-tengeak bangso Israel neak benei libea, jijai perantaro utuk malaikat de miling ngen si neak Tebo Sinai ngen ninik puyang ite. Siba de temimo kunei Allah bito de idup senapei ngen ite.

KISAH RASUL-RASUL 8:37

Simbet Filipus, “Amen Tuan pecayo ngen segenep atei, buliak.” Jawabne, “Uku pecayo bahwo Yesus Kristus adeba Anok Allah.”]