YOHANES 6:65 - JANJAI BLAU Lem Bahaso Jang Bebilai

⁶⁵ Lajau Si madeak, “Sebab o bi Uku madeak ngen udi: coa ade suang kulo de dapet teko ngen Uku, amen Bapa coa melei karunione ngen si.”

YOHANES 6:65 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

YOHANES 10:16

Tapi Uku kulo temuan bebirai de luyen de iso kunei ke'ung yo. Bebirai o arus napeak kulo ngen tobo'o bakea temi'uk sa'ei-Ku ngen tobo'o bakea jijai do klopok ngen do gembala.

YOHANES 3:27

Jawab Yohanes, “Coa ade suang tun de dapet mok sesuatau bagiak dirai ne, amen coa nlei karunia ngen si kunei surgo.

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

FILIFI 1:29

Sebab Allah bi melei anugerah ngen udi iso cuma utuk pecayo ngen Kristus, tapi kulo utuk saro bagiak Kristus.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

2 TIMOTIUS 2:25

Si harus lemah lembut majea tun-tun de galok melawen; mudah-mudahan Allah melei kesepatan ngen tun-tun o utuk tobat kunei duso-duso tobo'o ngen kemnal ajaran de benea.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.