YOHANES 6:27 - JANJAI BLAU Lem Bahaso Jang Bebilai

²⁷ Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

YOHANES 6:27 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 25:46

Lajau tun-tun'o bakea nukum ngen ukuman de baka, tapi tun-tun de menea kelok Allah bakea idup de baka.”

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

MATIUS 6:19

“Jibeakba udi melungguk harto utuk dirainu neak bumai; olok menget musakne ngen tukang maling teko utuk malingne.

MATIUS 8:20

Yesus jemawab, “Serigala temuan lubang ngen burung temuan sa'ang, tapi anok manusio coa temuan penan Si tidua.”

MARKUS 1:11

Lajau teni'ukba sa'ei kunei surgo, “Ko ba Anok-Ku de Uku kemasiak, ngen Ko ba semnang atei-Ku.”

MARKUS 9:7

Mako tekoba mbun melitas tobo'o ngen kunei mbun'o teni'uk saei, “Dioba anok de Uku kasihi, teni'ukba Si.”

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

LUKAS 9:35

Lajau teti'ukba sa'ei kunei lem mbun o, de madeak, “Dioba Anok-Ku de Uku miliak, teni'ukba Si.”

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

YOHANES 11:42

Uku namen bahwo Ko bogoa temi'uk Uku, tapi kerno tun dau de je neak yo gemlung Uku, Uku madeakne, supayo tobo'o pecayo bahwo Ko ba de sudo mutus Uku.”

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 15:24

Sekirone Uku coa menea neak tengeak-tengeak tobo'o kerjo-kerjo de coa perneak nea tun luyen, tobo'o paset coa beduso. Tapi uyo kunyau tobo'o bi kemliak kutene o, tobo'o jengik ngen Uku kulo ngen Bapa-Ku.

YOHANES 17:2

Serai awei Ko bi melei ngen Si kuaso das kute de idup, awei yo kulo Si bakea melei idup de kekal ngen kute de sudo Ko melei ngen Si.

YOHANES 3:15

supayo tiep tun de pecayo ngen Si coa benaso, meluyen dapet idup de kekal.”

YOHANES 3:33

Api de mimo saksai-Ne o, si ngakau bahwo Allah adeba benea.

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

YOHANES 6:47

Uku madeak ngen udi: Sesungguakne api bae de pecayo, si temuan idup de kekal.

YOHANES 6:51

Uku ba ruti de melei idup de sudo tu'un kunei surgo. Amen suang tun mbuk ruti yo, si bakea idup seka'en ne, ngen ruti de bakea Uku melei o adeba daging-Ku, de bakea uku melei utuk idup dunio.”

YOHANES 6:53

Mako nadeak Yesus ngen tobo'o, “Uku nadeak ngen udi, sesungguakne amen udi coa mbuk daging Anok Manusio ngen menem daleak-Ne, udi coa temuan idup neak lem dirainu.

YOHANES 6:54

Api de mbuk daging-Ku ngen mbuk daleak Ku, si temuan idup de kekal ngen Uku bakea midupne pado Bilai Kiamat.

YOHANES 6:58

Dioba ruti de tu'un kunei surgo: iso ruti awei de nembuk ninik puyangnu. Kerno sesudo mbuk ruti o, tobo'o matei kulo. Tapi tun de mbuk ruti yo bakea idup selamo-lamone.”

YOHANES 6:62

Awei ipe amen udi kemliak Anok Manusio kenek moi penan neak ipe Si ayokne ade?”

YOHANES 6:68

Jawab Simon Petrus ngen-Si, “Tuhan, ngen api keme bakea lalau? Kecek-Nu adeba kecek idup de kekal.

YOHANES 8:18

Uku ba de besaksai tetang dirai-Ku suang ngen kulo Bapa, de mutus Uku, besaksai tetang Uku.”

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.

ROMA 4:11

Ngen tando sunat o tenimone sebagai matrai kebenaran das dasar imen de kentenne, ayok si senunat. Awei'oba si dapet jijai bapa kute tun pecayo de coa senunat, supayo kebenaran nitung ngen tobo'o.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

1 KORINTUS 9:2

Amen tun-tun luyen coa lok makau uku sebagai rasul, paling didik udi makau do'o! Sebab idup nu sebagai tun Kristen adeba bukti bahwo uku suang rasul.

2 KORINTUS 4:18

Sebab keme coa kemliak hal-hal de keten, meluyen de coa keten, kerno de keten adeba sementaro, tapi de coa keten adeba kekal.

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

FILIFI 2:13

kerno Allahba de kemerjo neak lem dirainu utuk menea udi rela ngen sanggup semnang atei Allah.

KOLOSE 1:29

Utuk dapet hal o uku kerjo keras. Uku berjuang ngen kute tenago de nelei Kristus ngen uku, de bekerjo lem diraiku ngen penuak kuaso.

KOLOSE 2:22

Kute peraturan o adeba tetang hal-hal de sudo nakei coa de guno igai. Do'o cuma peraturan-peraturan ngen ajaran-ajaran de nea manusio.

KOLOSE 3:2

Pekerba hal-hal de neak das, iso de neak dunio.

1 TESALONIKA 1:3

Keme tinget awei ipe udi kemten lem perbuatan bahwo udi pecayo ngen Kristus, awei ipe udi mengasihi tun luyen sehinggo melayan tobo'o, ngen awei ipe udi tep ma'ep ngen Tuhan te Yesus Kristus.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

IBRANI 12:16

Jagoba supayo jibeak ade de idup cabul atau coa mego hal-hal rohani, awei de nea Esau. Si jemua hokne sebagai anok tuai, cuma utuk do makuk kembuk.

IBRANI 4:11

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.

YAKOBUS 1:11

Pado waktau matai bilai terbit ngen panesne tenget, mako dukut o bakea jijai leu sehinggo guguaba bunggaine ngen nyepba kulo kebaesne. Awei'oba kulo ngen tun de kayo; si bakea ajua pado waktau si gidong maneu usahone.

1 PETRUS 1:24

Lem Kiteb Sucai tetulis awei yo, “Kute umat manusio awei dukut, ngen kute kebesaranne awei bungai dukut. Dukut lew, bungaine kulo gugua;

2 PETRUS 1:17

Keme berade neak di ketiko Si dihormati ngen diagungkan ngen Allah Bapa. Pado waktau o tetiuk sa'ei kunei De Mahamulio, de madeak ngen-Ne, “Diyoba Anok-Ku de Kukemasiak. Si semnang atei-Ku!”