YOHANES 6:2 - JANJAI BLAU Lem Bahaso Jang Bebilai

² Tun dau beroron temotoa Si, kerno tobo'o kemliak mujizat-mujizat de neane te'adep tun-tun bolon.

YOHANES 6:2 ပူးပေါင်းရင်းမြစ်များ

MATIUS 12:15

Yesus namen bahwa tun-tun Farisi'o berniat kidek teadep dirai-Ne. Tapi Si lalau kunei penan'o ngen dau tun temotoa Si. Lajau Si kema'en kute tun bolon.

MATIUS 13:2

Dau nien tun bekopoa neak keliling Yesus, kerno'o Si lalau temot neak lem biduk, tapi tun dau'o kutene je neak patoi.

MATIUS 14:14

Waktau Yesus tu'un kunei biduk ngen kemliak tun dau'o, Si slen ngen tobo'o. Lajau Si kema'en tun-tun de bolon neak antaro tobo'o.

MATIUS 8:1

Sesudo Yesus tu'un kunei tebo, kembiak dau tun temotoa Si.

MARKUS 1:45

Tapi tun'o lalau melei namen hal'o serto semiar neak ipe bae, sehinggo Yesus coa dapet igai tete'ang masuk moi lem kuta. Si tinggea nak luea nak penan sunyai; tapi tun te'us kulo teko ngen-Si kunei kute penan.

MARKUS 6:33

Tapi waktau tobo'o berakat dau tun kemliak tobo'o ngen namen maksud tobo'o. Ngen mok dalen da'et segroba teko tun kunei kute kota moi penan'o sehinggo de mute tobo'o.

YOHANES 11:47

Lajau imem-imem kepalo ngen tun-tun Farisi menok Mahkamah Agamo utuk bepkopoa ngen tobo'o madeak, “Jano de arus ite menea? Sebab tun o menea dau mujizat.

YOHANES 12:18

Do'o sebabne tun dau o lalau ngen Yesus sebab tobo'o temi'uk bahwo Siba de sudo menea mujizat o.

YOHANES 12:37

Kunyau Yesus menea kembiak dau mujizat neak adep matai tobo'o, tapi tobo'o coa pecayo ngen-Si.

YOHANES 2:11

Hal'o nea Yesus neak Kana de neak Galilea, sebagoi de pertamo kunei. Mujizat-mujizat-Ne ngen'o bi melei bukti kemulioan-Ne. Penotoa-penotoa-Ne pecayo ngen-Si.

YOHANES 2:23

Sementaro Si neak Yerusalem selamo Bilai Rayo Paskah, dau tun pecayo lem gen-Ne, kerno tobo'o bi kemliak tando-tando mujizat de nadeak-Ne.

YOHANES 20:30

Memang masiak dau tando mujizat luyen de nea Yesus neak adep matai penotoa-penotoa-Ne, de coa cenatet lem kiteb yo.

YOHANES 3:2

Si teko pado waktau kelemen ngen Yesus ngen madea, “Rabi, keme namen, bahwo Ko teko sebagoi gu'au de nutus Allah; sebab coa ade suang tun de dapet menea mujizat-mujizat de Ko nea'o, amen Allah coa semertonu.”

YOHANES 6:14

Ketiko tun tun o kemliak tando mukzijat de sudo nea-Ne, tobo'o madeak, “Si yo benea-benea nebai de bakea teko moi lem dunio.”

YOHANES 6:22

Pado menne tun dau, de masiak tinggea neak dipoa, kemliak bahwo neak di coa ade biduk seluyen de do nano ngen bahwo Yesus coa milau kemnek moi biduk o besamo-samo ngen panotoa-penotoa-Ne, ngen bahwo penotoa-penotoa-Ne bae de berakat.

YOHANES 6:26

Yesus jemawab, “Sesungguakne Uku madeak ngen udi, udi mesoa Uku iso kerno udi bi kemliak mujizat-mujizat, tapi kerno ko bi mbuk ruti o sapei kenyang.

YOHANES 6:30

Tobo'o madeak ngen-Si, “Tando jano de Ko menea, supayo keme dapet kemliakne ngen pecayo ngen Ko? Jano de Ko kenerjo?