YOHANES 5:42 - JANJAI BLAU Lem Bahaso Jang Bebilai

⁴² Tapi tetang udi, memang Uku namen neak lem ateinu udi coa temuan kasiak te'adep Allah.

YOHANES 5:42 ပူးပေါင်းရင်းမြစ်များ

LUKAS 16:15

Tapi Yesus madeak ngen tobo'o, “Ko ba tun de neak adep tun luyen keten benea, tapi Allah namen isai ateinu. Sebab jano de nanggap lekat ngen manusio, nanggap tembeak ngen Allah.

YOHANES 2:25

Coa perlu suang tun bersaksai ngen-Si tetang manusio, sebab Si namen jano de ade neak lem atei manusio.

YOHANES 21:17

Nadeak Yesus ngen si utuk ketelau kilaine, “Simon, anok Yona, jano Ko mengasiak Uku?” Petrus kulo meding ibo kerno Yesus madeak utuk ketelau kilaine, “Jano ko mengasiak Uku?” Ngen si madeak ngen-Ne, “Tuhan, Ko namen kute sesuaktau. Ko namen, bahwo uku mengasiak Ko.” Nadeak Yesus ngen si, “Meliaroba bebirai-Ku.

YOHANES 5:41

Uku coa perlu nujai kunei manusio.

YOHANES 5:43

Uku teko lem gen Bapa-Ku ngen udi coa temimo Uku. Amen tun luyen teko das genne suang, udi bakea temimo si.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

YOHANES 8:42

Nadeak Yesus ngen tobo'o, “Amen Allah adeba Baknu, udi bakea kemasiak Uku. Sebab Uku teko kunei Allah ngen uyo uku ade neak yo. Uku coa teko ngen kelok-Ku suang, tapi Siba mutus Uku.

YOHANES 8:47

Api bae berasal kunei Allah, si temi'uk firman Allah. Do'oba sebabne udi coa temi'ukne, kerno udi coa berasal kunei Allah.”

YOHANES 8:55

pado hal udi coa kemnal Si. Tapi Uku kemnal Si. Amen Uku madeak: Uku coa kemnal Si, mako Uku adeba tukang ngike, serai awei udi, tapi Uku kemnal Si ngen Uku temotoa firman-Ne.

ROMA 8:7

Sebab kelok temurut tabi'at manusio adeba musuak teadep Allah, kerno si coa takhluk ngen hukum Allah, hal yo memang coa mukin bagiakne.

1 YOHANES 2:15

Jibeakba cito dunio yo, atau jano bae de ade neak lem dunio yo. Amen udi cito dunio, udi coa cito ngen Bapa.

1 YOHANES 3:17

Amen ade tun kayo kemliak saudarone peset, tapi coa lok temulung saudarone o, awei ipe tun o dapet madeak bahwo si mengasiak Allah?

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.