YOHANES 5:40 - JANJAI BLAU Lem Bahaso Jang Bebilai

⁴⁰ Ko coa lok teko ngen Uku utuk dapet idup o.

YOHANES 5:40 ပူးပေါင်းရင်းမြစ်များ

MATIUS 22:3

Rajo'o mluak pelayan-pelayanne lalau mapet tun-tun de nundang moi pesta'o. Tapi tobo'o coa lok teko.

MATIUS 23:37

“Yerusalem, Yerusalem! Nebai-nebai ko munuak. Tun-tun de nutus Allah ko meluk ngen butau sapei matei. Sudo kedau kilai Uku lok melungguk kute rakyatnu awei indok monok mlindung anok-anokne neak beak sayepne, tapi ko coa lok.

YOHANES 1:11

Si teko ngen temuan-Ne, tapi tun-tun temuan-Ne o coa temimo Si.

YOHANES 10:10

Tukang maling teko utuk maling ngen munuak ngen musak. Uku teko, supayo tobo'o temuan idup – idup de belebiak.

YOHANES 3:19

Dioba hukuman'o: Te'ang bi teko lem dunio, tapi manusio lebiak galok kelem kunei pado te'ang, sebab plep tobo'o kidek.

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

YOHANES 5:41

Uku coa perlu nujai kunei manusio.

YOHANES 5:44

Awei ipe koi dapet pecayo, amen udi de temimo hormat suang tun kunei de luyen, ngen coa mesoa hormat de teko kunei Allah de Esa?

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

YOHANES 6:37

Kute de bi melei Bapa ngen Uku bakea teko ngen Uku, ngen api bae de teko ngen Uku, si coa bakea Uku muang.

YOHANES 6:40

Sebab dioba kelok Bapa-Ku: Adeba supayo tiep tun de kemliak Anok ngen de pecayo ngen-Si dapet idup de kekal, ngen supayo Uku midup igai pado Bilai Kiamat.”

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

WAHYU 22:17

Roh Allah ngen Pengaten Selawei madeak, “Maroba!” Tiep tun de temi'uk dio harus kulo madeak, “Maroba!” Api de haus, lokba si teko! Ngen api de kemlok, lokba si mok bioa de melei kehidupan o ngen cuma-cuma.