YOHANES 5:39 - JANJAI BLAU Lem Bahaso Jang Bebilai

³⁹ Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

YOHANES 5:39 ပူးပေါင်းရင်းမြစ်များ

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

KISAH RASUL-RASUL 17:11

Tun-tun Yahudi neak kota o lebiak tukok ateine kunei pado tun-tun Yahudi neak Tesalonika, kerno tobo'o temimo Firman o ngen kute kerelaan atei, tiep bilai tobo'o semlidik Kitep Sucai utuk namen, jano kutene o benea awei o.

MATIUS 22:29

Yesus jemawab, “Udi kembiak keliru, sebab ko coa ngertai kiteb awei'o kulo kuaso Allah.

KISAH RASUL-RASUL 13:27

Penduduk Yerusalem nge pemipin-pemipinne coa lok ngakau Yesus. Ngen melei hukuman matei das Si, tobo'o gemnep kecek nebai-nebai de mbaco tiep bilai Sabat.

YOHANES 5:46

Amen udi pecayo ngen Musa, tau udi bakea pecayo kulo ngen Uku, sebab si bi sudo temulis tetang Uku.

ROMA 3:2

Dau nien, ngen neak lem kute hal. Pertamo-tamo: sebab ngen tobo'oba Allah cayo firman-Ne.

MARKUS 12:10

Coa perneak udi mbaco ayatyo: “Butau de nuang ngen tukang-tukang bangunan bi jijai butau de utamo.

WAHYU 19:10

Uku tukup neak adep malaikat o lok nyembeakne, tapi si madeak ngen uku, “Jibeak! Jibeak nyembeak uku, sembeakba Allah! Sebab uku kulo hamba serai awei ko ngen awei kute saudaronu de bepegong teguh ngen saksai Yesus!” Sebab saksai Yesus do'oba de jijai menea tun-tun de bernubuat.

ROMA 1:2

Bito Baik o sudo jenanjai-Ne ayokne liwet nebai-nebai-Ne lem Kiteb Sucai.

KISAH RASUL-RASUL 26:27

Jano Rajo Agripa pecayo nebai-nebai? Uku namen bahwo ko pecayo!”

YOHANES 7:52

Jawab tobo'o, “Jano ko kulo tun Galilea? Senlidikba Kiteb Sucai ngen bakea namen bahwo coa ade nebai de teko kunei Galilea.”

YOHANES 5:32

Ade de luyen besaksai tetang Uku ngen Uku namen, bahwo saksai de nelei-Ne tetang Uku adeba benea.

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

LUKAS 16:31

Tapi Abraham madeak, ‘Amen tobo'o coa temi'uk periteak Musa ngen nebai-nebai, pasetba tobo'o coa bakea masai kulo, kunyau kulo ade tun matei de idup igai.’ ”

IBRANI 11:16

Tapi nyatone, tobo'o indau debuak negrai de lebiak baik, negrai de neak surgo. Do'oba sebabne Allah coa selek amen tobo'o sembut Si Allah tobo'o, sebab Allah sudo sendio debuak kota utuk tobo'o.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

LUKAS 16:29

Abraham jemawab, ‘Tobo'o sudo temuan bukau-bukau Musa ngen bukau tobo nebai! Kunyauba tobo'o temurut jano de tetulis lem bukau-bukau o!’

YOHANES 1:45

Filipus magea Natanael ngen madeak ngen si, “Keme bi temau Si, de nadeak Musa ngen Kiteb Taurat ngen tobo nebai. Siba Yesus, anok Yusuf kunei Nazaret.”

IBRANI 11:35

Kerno berimen, mako selawei-selawei dapet igai tun-tunne de bi matei, sebab tobo'o nidup igai. Ade kulo de rela senikso sapei matei, ngen temulok utuk bebas, kerno lok nidup igai debuak kehidupan de lebiak baik.

LUKAS 24:25

Lajau Si madeak ngen tobo'o, “Hoi udi tun bodong, kembiak an atei nu utuk masai kute de sudo nadeak tobo nebai!

YOHANES 5:40

Ko coa lok teko ngen Uku utuk dapet idup o.

MARKUS 10:3

Tapi jawab-Ne ngen tobo'o, “Jano periteak Musa ngen udi?”