YOHANES 5:37 - JANJAI BLAU Lem Bahaso Jang Bebilai

³⁷ Bapa de mutus Uku, Siba de sudo melei saksai tetang Uku. Ko coa perneak temi'uk sa'ei-Ne, rupe-Ne coa perneak udi kemliak.

YOHANES 5:37 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

MARKUS 1:11

Lajau teni'ukba sa'ei kunei surgo, “Ko ba Anok-Ku de Uku kemasiak, ngen Ko ba semnang atei-Ku.”

LUKAS 24:27

Lajau Si jemlas ngen tobo'o jano de tetulis tetang Si lem kute Kiteb Sucai, muloi kunei kiteb-kiteb Musa ngen kute kiteb nebai-nebai.

LUKAS 3:22

Roh Allah tu'un moi das Yesus awei burung daro. Lajau teti'uk sa'ei Allah madeak, “Koba Anok-Ku de Uku kemasiak. Ko semnang atei-Ku.”

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 15:24

Sekirone Uku coa menea neak tengeak-tengeak tobo'o kerjo-kerjo de coa perneak nea tun luyen, tobo'o paset coa beduso. Tapi uyo kunyau tobo'o bi kemliak kutene o, tobo'o jengik ngen Uku kulo ngen Bapa-Ku.

YOHANES 5:32

Ade de luyen besaksai tetang Uku ngen Uku namen, bahwo saksai de nelei-Ne tetang Uku adeba benea.

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

YOHANES 8:18

Uku ba de besaksai tetang dirai-Ku suang ngen kulo Bapa, de mutus Uku, besaksai tetang Uku.”

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.

1 YOHANES 4:20

Amen suang tun madeak, “Uku mengasiak Allah,” tapi si coa mengasiak saudarone, tun o pendusta. Sebab tun de coa mengasiak saudarone de kemliakne, coa mukin dapet mengasiak Allah de coa kemliakne.

1 YOHANES 5:9

Ite pecayo ngen saksai manusio, tapi saksai Allah lebiak kuet igai. Ngen do'oba saksai de sudo nelei Allah tetang anok-Ne.