YOHANES 5:28 - JANJAI BLAU Lem Bahaso Jang Bebilai

²⁸ Jibeakba udi sele ngen hal o, sebab waktaune bakea sapei, bahwo kute tun de neak lem kubua bakea temi'uk sa'ei-Ne.

YOHANES 5:28 ပူးပေါင်းရင်းမြစ်များ

YOHANES 3:7

Jibeakba ko heran, kerno Uku madeak ngen ko, ‘Ko harus laher igai.’

YOHANES 4:21

Nadeak Yesus, “Pecayoba ngen Uku, hoi indok, saatne bakea sapei, bahwo udi bakea nyembeak Bapa iso neak tebo yo ngen iso kulo neak Yerusalem.

YOHANES 4:23

Tapi saatne bakea teko ngen sudo sapei uyo, bahwo penyembeak-penyembeak benea; bakea menyembeak Bapa lem Roh ngen de benea; sebab Bapa mesoa tun-tun de nyembeak Si seca'o awei yo.

YOHANES 5:20

Sebab Bapa kemasiak Anok ngen Si temunjuk ngen Si kute sesuatau de kenerjo-Ne suang, bahkan Si bakea tenunjuk ngen Si kerjo de lebiak lai igai kunei kerjo o, sehinggo udi jijai sele.

YOHANES 5:25

Uku madeak ngen udi, ‘Sesungguakne waktaune bakea sapei ngen sudo sapei, bahwo tun-tun matei bakea temi'uk sa'ei Anok Allah, ngen tobo'o de temi'ukne, bakea idup.’

KISAH RASUL-RASUL 24:15

Uku mpek harapan ngen Allah, serai awei tobo'o kulo bahwo bakea ade tun matei idup igai, baik tun de benea atau tun de coa benea.

KISAH RASUL-RASUL 3:12

Waktau Petrus kemliak hal o, si madeak ngen tun dau o, “Hoi tun Israel, getai udi selle tetang hal o ngen getai udi kemliak keme awei keme menea tun yo paneu kerno kuaso, atau kerno keme taat ngen Allah.

1 KORINTUS 15:22

Aweipe kute manusio matei kerno do ngen Adam, awei'o kulo kute bakea nidup, kerno do ngen Kristus.

FILIFI 3:21

Awokte de lemah ngen dapet ajua yo, Kristus bakea mubeak jijai awei awok-Ne suang de mulio. Si dapet menea o kerno Si temuan kuaso utuk maleak kute sesuaktau.

WAHYU 20:12

Ngen uku kemliak tun-tun matei, lai titik, je neak adep takhta o. Mako kiteb-kiteb kulo nukok. Lajau debueak kiteb de luyen nukok, adeba Kiteb Tun Idup. Sesudo'o ukuman nelei ngen tun matei, setipal ngen plep tobo'o temurut de ade neak lem bukau-bukau o.