YOHANES 5:19 - JANJAI BLAU Lem Bahaso Jang Bebilai

¹⁹ Mako Yesus jemawab tobo'o, nadeak-Ne, “Sesungguakne Uku madeak ngen udi, Anok coa dapet kemerjo sesuatau kunei dirai-Ne suang, amen Si coa dapet kemliak Bapa kemerjone. Sebab, jano de kenerjo Bapa, kenerjo Anok.

YOHANES 5:19 ပူးပေါင်းရင်းမြစ်များ

MATIUS 26:39

Mako Yesus lalau lebiak uak didik, lajau sujud ngen bedu'o, nadeak-Ne, “Au Bak-Ku, amen buliak ne'uakba kunei-Ku derita de mestai Uku temanggung. Jibeakba awei de Ku kemlok, tapi awei de Bak kemlok.”

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

YOHANES 10:18

Coa suang tun mokne kunei Uku, seluyen Uku meleine temurut kelok-Ku suang. Uku bekuaso meleine ngen bekuaso mokne igai. Dioba periteak de Uku temimo kunei Bapa-Ku.”

YOHANES 12:49

Sebab Uku madeak iso kunei dirai-Ku suang, tapi Bak, de mutus Uku, Siba de meriteak Uku utuk madeak jano de arus Uku madeak ngen Ko.

YOHANES 12:50

Uku namen bahwo periteak-Ne o adeba idup de kekal. Kerno o jano de arus Uku madeak, Uku semapei awei ipe de najea Bak ngen-Ku.”

YOHANES 14:10

Coa pecayo ko bahwo Uku lem Bak ngen Bak lem Uku? Jano de Uku madeak ngen udi, coa Uku madeak kunei dirai-Ku suang, tapi Bak, de tinggea lem Uku, Siba de menea kerjo-kerjo-Ne.

YOHANES 2:19

Yesus jemawab, “Nubuak ba Bait Sucai yo, ngen lem telau bilai Uku bakea temgokne igai!”

YOHANES 3:3

Yesus jemawab, “Sesungguakne Uku madeak ngen udi amen suang tun coa laher igai, si coa dapet jijai anggota umat Allah.”

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 6:38

Sebab Uku bi tu'un kunei surgo iso utuk menea kelok-Ku, seluyen kelok Si de sudo mutus Uku.

YOHANES 8:28

Mako padeak Yesus, “Amen udi bi melekat Anok Manusio, tembei ba udi namen bahwo, ‘Uku ba Si, bahwo Uku coa menea jejano kunei dirai-Ku suang, tapi Uku miling tetang hal-hal, Uku madeak jano de majea Bapa ngen Uku.’

YOHANES 9:4

Ite arus kemerjo kerjo Si de mutus Uku, selamo masiak kebilai; bakea teko kelemen neak ipe coa ade suang tun de dapet bekerjo.

KISAH RASUL-RASUL 2:24

Tapi Allah midup igai Si sesudo melpas Si kunei sikso maut kerno coa mukin Si tep ade neak lem kuaso maut o.

ROMA 6:4

Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

ROMA 8:11

Ngen amen Roh Allah, de sudo midup igai Yesus kunei antaro tun matei, tinggea neak lem udi, mako Si, de sudo midup igai Kristus Yesus kunei antaro tun matei, bakea midup kulo awoknu de fana o ngen Roh-Ne, de ade neak lem udi.

1 KORINTUS 15:12

Amen de keme madeak o adeba bahwo Kristus sudo idup igai kunei mateine, getai ade kunei antaronu de madeak bahwo tun matei coa bakea idup igai?

2 KORINTUS 4:14

Keme yakin bahwo Allah de sudo midup igai Tuhan Yesus, bakea midup keme kulo ngen Yesus, ngen mbin udi ngen keme moi adep-Ne.

2 KORINTUS 5:10

Sebab paset ite kute bakea mbin moi adep pengadilan Kristus, memasing bakea dapet balasan setimpal ngen plepne neak dunio yo, baik atau kidek.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

EFESUS 3:16

Uku bedu'o semoga Allah de maho mulio kemuet batinnu ngen Roh-Ne.

FILIFI 3:21

Awokte de lemah ngen dapet ajua yo, Kristus bakea mubeak jijai awei awok-Ne suang de mulio. Si dapet menea o kerno Si temuan kuaso utuk maleak kute sesuaktau.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

KOLOSE 1:11

Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

1 TESALONIKA 4:14

Ite pecayo bahwo Yesus bi matei ngen idup igai. Do'o sebabne ite pecayo kulo bahwo Allah bakea midup igai kute tun de pecayo ngen Yesus de sudo ningea, supayo tobo'o idup besamo Si.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

WAHYU 2:23

Penotoa-penotoane bakea Uku munuak kulo supayo kute jemaat sadar bahwo Ukuba Si de namen pekeran ngen atei manusio. Uku bakea males udi temurut plep udi masing-masing.